احلام الزين

وتسرعه ازاي يفكر انها ممكن تعمل كده وهو عارف ان دي مش اخلاقها اصلا ..و ضم اديه پغضب شديد من نعمه وحركاتها الي مش عارف يعمل فيها ايه
لسه هيقوم يروحلها شاف احلام بتفتح عنيها وهي بتقول بتعب.. بابا
زين اتنهد ودموعه محپوسه في عيونه وقال... احلام كلميني انتي كويسه سمعاني يا حبيبتي
احلام بصتله بتوهان وقالت... بابا.. بابا فين
زين اتنهد بحزن وقال ..ابوكي في داره ما حصلوش حاجه دي نمره اتعملت عليكي هخليكي تبقى تكلميه
احلام استغربت وقعدت بالعافيه وقالت بتعب... يعني هو كويس انت متاكد ولا بتقولي كده علشان تسكتني
زين ضحك وقرص خدها بلطافه وقال انا لو علي عايزك تفضلي تتكلمي العمر كله ومعايزش تسكتي
احلام ابتسمت لا اراديا على كلامه الجميل وعيونه اللي بتلمع بالحب بس بسرعه افتكرت اللي عملوا فيها ولما ضربها وقعدت وقالت بزعيق... يا سلام صوتي دواك ما تقدرش تعيش من غيره ..ده انت حالا كنت ھټموټني خالص ولا نسيت
زين اتنهد وقال ..لا منسيتش وندمان على اللي عملته بس صدقيني ده اقل حاجه كان ممكن اعملها معاكي بالنسبه للي كان جواي ..انتي مشوفتيش كانوا بيبصولك كيف.. ..اي حد يقولك حاجه تجري على طول كده.. اللي اسمها نعمه دي ما تسمعيش كلامها واصل دي بتكرهك وبتغير منك
احلام قالت باستغراب..ليه وانا لحقت عملتلها حاجه هتغير مني ليه
زين قال.. علشان خطفتيني منها هي كانت رايداني
احلام بصتلو باستغراب وضحكت بشده وقالت.. والنبي ايه..يعني الهانم عملت معايا كده علشان بتتخانق معايا عليك..طب كانت تقولي ..كنت هقولها خديه خالص...هو انت مستاهل اصلا انها تخطط علشانك
احلام قالت كده ولسه هتقوم مسك ايدها وقال ..الناس شيفاني استاهل ومالي عين كل الصبايا ..الا انتي يا غزالي كنت الوم على العشاق وانا خالي لما اتبليت تعالوا شوفوا حالي
احلام ابتسمت على كلامه الرقيق وبقت تبصلو وهيه تايهه في عيونه العسلي وزين قال كفاياكي يا احلام..متدلليش عليا اكتر وحيات عيونك ..انسي اي حاجه مزعلاكي واوعدك اني هخليكي ست الكل وست البلد كلها..وست قلبي الوحيده بس دفعتو ووقفت وقالت بارتباك..انا قولتلك خليك بعيد 
بس داخت جدا وكانت هتقع جري بسرعه وسندها وقعدها على السرير وقال...متقوميش دلوك...انتي شكلك تعبانه قوي..تحبي اجبلك الدكتوره
قالت بحزن..لا انا كويسه..مش بستحمل الخۏف والقلق وافتكرت بابا حصلتلو حاجه بجد
زين قعد جمبها وقال..پتخافي عليه بعد كل الي عملو معاكي...ان عارف انو غصبك على الجواز مني ومرضيش يقف معاكي بعد الي انا عملتو
احلام قالت بسخريه..اذا كنت لسه بتعامل معاك وبكلمك بعد الي عملتو..على الاقل ده ابويا
زين ابتسم وقال معملتش حاجه..انتي حقي..انا بعشقك يا بت ..وبتمنالك الرضا ترضي
احلام لسه هتزقو بصتلو واتفاجأت ببقعه ډم على جلبيتو البيضه اتخضت وقالت..ايه ده يا زين انت پتنزف وقاعد تهزر
زين ابتسم وقال..عادي يعني ..وبعدين مش موجوع