اسكريبت وردتي بقلم سمسمة السيد

ايدها السليمه جوه حضنه وقعد يمسح علي شعرها ويطبطب عليها 
خبت ورد وشها في حضنه وقعدت ټعيط لحد ما هديت 
ايهم بهزار 
كده بوظتي التيشيرت بتاعي 
بعدت ورد باحراج 
انا اسفه 
وقبل ما ايهم يتكلم رفعت عنيها ال لونها اغمق وبقي احلي وبصتله پشراسه وقالت 
لا مش اسفه انت السبب انت ال وجعتني وخلتني اعيط 

بصلها ايهم بدهشه من تحولها 
دي هرمونات ولا انتي كده طبيعي 
بصتله ورد بعنين مليانه دموع فا اتكلم ايهم بسرعه 
خلاص خلاص انتي هتعيطي تاني ! انا اسف حقك عليا بس انا راجل وانتي مراتي ومن حقي اغير عليكي ان حد ممكن يشوفك كده 
بس انت اتعصبت اوي ووجعتني 
مسك ايدها بعد ما حط شوية من المرهم علي ايده وابتدي يدلكلها ايدها برقه 
اعذري غيرتي عليكي يا وردتي انا لما بتعصب مش بشوف قدامي 
بصتله ورد وبصت لاهتمامه خليط عجيب بيجرح وبيداوي حنين وعصبي خلص ايهم وقرب من وشها وهو بيبص في عنيها مره وبيبص لشفايفها مره 
لو لسه زعلانه ممكن اصالحك بطريقه تانيه 
بصت ورد ليه وفهمت نظرتهوقربه المفاجئ ليها 
اسكريبت وردتي للكاتبة سمسمة سيد كامل
وقفت وبصتله وهي بتضحك بانتصار 
احسن عشان تبطل قلة ادبك دي 
بصلها ايهم بتسليه وقال 
بقي انا قليل الادب 
هزت ورد راسها وهي بتاكد كلامها 
ايوه قليل الادب 
وقف ايهم وجه يقرب منها فا طلعت جري استخبت في اوضه الهدوم وقفلت الباب بالمفتاح وقف ايهم ورا الباب وقالها بصوت عالي 
بتقفلي الباب بالمفتاح ياوردتي ولا الف باب يمنعوني عنك وبعدين انا كنت عاوز اثبتلك قد ايه انا قليل الادب 
ورد كانت واقفه ورا الباب حاطه ايدها علي قلبها وبتبتسم ابتسم ايهم لما مسمعش منها رد وقال 
ماشي انا هسيبك المره دي بمزاجي لكن المره الجايه هثبتلك عملي 
خلص كلامه وخرج من الاوضه وهو مبتسم وورد همسة وقالت 
يا تري الايام الجايه مخبيالي ايه معاك 
بعد اسبوع .. 
عدي اسبوع وكل يوم ايهم بيقرب اكتر من ورد وبيشاركها كل حاجه تخصه وكانت هي اكتر من مرحبه وهي بتسمعه باهتمام .. 
في يوم كانت ورد في الحمام خرجت بعد مااخدت شاور لقت علي السرير فستان ازرق يجنن وجمبه شوز بنفس لونه قربت منه لقت ورقه صغيره محطوطه عليه مسكتها وقرت ال مكتوب فيها اجهزي يا وردتي قدامك نص ساعه عشان هنخرج مع بعض 
ابتسمت ورد وشدت الفستان والشوز ودخلت لبستهم وفردت شعرها الطويل وحطت كحل برز لون عيونها الاخضر وروج احمر واكتفت بكده حست بحاجه بتتحط علي رقبتها فابصت في المرايه لقت ايهم واقف وراها ببدلته السوده وقميصه الاسود ال كانوا مطلعينه وسيم اوي كان بيلبسها عقد الماظ شكله يجنن... 
وقفت ورد بعد مالبسهولها وحطت ايدها عليه بتوتر 
ايهم ده الماظ 
حط ايهم ايده علي وسطها وشدها وبص في عنيها ال بتجننه 
ايوه يا عيون ايهم 
ورد حاول تقلعه وهي بتقول 
لا ده شكله غالي اوي مينفعش البسه 
مسك ايهم ايدها وباسها بحب وهو بيبصلها 
الغالي ميلبسش الا الغالي يا قلب ايهم 
خدودها احمرت وحاولت تغير الموضوع 
احنا هنروح فين 
بعد ايهم عنها ومسك ايدها وخرج وهو بيقولها 
مفاجاه يا وردتي 
بعد نص ساعه ... 
اسكريبت وردتي للكاتبة سمسمة سيد كامل
كانت ورد قاعده علي كرسي قدام ايهم جوه مطعم فخم مسك
ايهم ايدها وباسها بحب 
حبيت اعزمك علي العشا يا وردتي 
بصتله ورد وابتسمت ابتسامه سحرته وقالت 
شكرا يا ايهم 
شكرا