قصه أم

منى ياماما تفهميه الكلام ده وتقوليله يبعد عنى خالص وينسى انى اخته والا وربي لحسيب البيت وامشي

عايده تسيبي البيت وتمشي انتى اتجننتى بتقولى ايه

نور عشان انا تعبت والله تعبت

عايده طب خلاص ياحبيبتى اهدى كده وصلى عالنبي وان شاء الله الامور تتحل

تخرج نور من البيت فى طريقها الى منزل حياة

كانت نور تقود السيارة وهى تبكى على حالها وتدعو

الله يارب حنن قلب اخويا علية يارب والله انا بحبه وبتمناله كل خير نفسي يبقى كويس معايا

وفجاة تظهر امامها سيارة فلا تستطيع نور التصرف

حياة تنتظر قدوم نور ولكنها تأخرت عليها

ياربي لتكون تاهت واللا مش لاقيه مكان تركن فيه العربيه

ترن غليها التليفون ياربي مبتردش ليه دى كمان

وبعد عدة محاولات يفتح التليفون

حياة ايه يانور فينك يابنتى قلقتينى عليكى

فياتيها صوت ليس بصوت نور

بينما كان اسر مازال نائما

ليجد هاتفه يعلن عن اتصال فيجدها حياة

اسر بصوت ناعس ايوة ياحياة خير فى حاجه

حياة تتحدث وهى تبكى الحق نور يااستاذ اسر

اسر نور اختى مالها

حياة عملت حاډثه بالعربيه والناس ودوها المستشفى

اسر حاډثه نور لا مش ممكن

يرتدي اسر ملابسه سريعا وينادى على امه وهو يهرول على السلم ماما بابا

عايده مالك يا اسر فى ايه يابنى

اسر نور عملت حاډثه والناس نقلوها المستشفى

عايده بنتى نور لا مش ممكن

فهمى الحقنى يافهمى

يخرج فهمى من مكتبه مالك ياعايده

احقنا نور نور حتروح مننا

يجرى الجميع على المستشفى لا يعلمون ماذا حدث لابنتهم

بينما كان فارس فى غرفته وملك نائمه ولم يشعروا بشئ

يدخلون المستشفى فيجدون حياة واقفه تبكى

اسر حياة فين نور ياحياة

حياة فى العمليات جوة ربنا معاها

اسر انا عاوز افهم ايه اللى حصل

حياة نور اتفقت معايا انها حتيجى عندى

اسر تيجى عندك فين

حياة فى بيتى

اسر بيتك وهى نور متعوده من امتى تروحلك بيتك

حياة لاء دى اول مرة تجيلي وانا وصفتلها العنوان ولما لقيتها اتاخرت خفت تكون تاهت اتصلت عليها كتير لحد مارد علية واحد وقاللى ان صاحبة التليفون عملت حاډثه وقاللى على المستشفى وانا كلمتك وجيت على هنا علطول

كانت تبكى وهى تتحدث

عايده ومحدش طلع يقول عندها ايه

حياة لاء حضرتك ربنا يطمنا عليها يارب

كان اسر لايستطيع الوقوف او الجلوس وانما كان ياخذ الطرقه ذهابا وايابا حتى خرج الطبيب من الخارج

يجرى عليه الجميع خير يادكتور طمنا

الدكتور ان شاء الله حتبقى كويسه هى عندها كسور فى

رجلها ولسه متاكدناش من وجود ڼزيف داخلى واللا لاء

اسر انا حنقلها مستشفى تانيه

الدكتور اى حركه خطړ عليها واطمن حضرتك المستشفى هنا فيها كل الامكانيات وان شاء الله حطمنكم عليها. بس هى لازم تكون تحت الملاحظه

فى الصباح

يستيقظ كريم من نومه فى الصباح الباكر على تليفون برقم غريب

كريم الو ايوه مين معايا

حضرتك كريم اخو هبه

كريم ايوة فى ايه مالها هبه

هبه فى المستشفى حضرتك

كريم بخضه مستشفى ليه هبه مالها

لما تيجى حضرتك حتعرف

يجرى كريم على المستشفى ليجد الكثير من العاملين فى المستشفى واقفين

بينما يسمع كلام البعض وهو يرددون ربنا يستر علينا وعلى وليانا

كريم هو فى ايه مالها هبه وهى فين

احد العاملين بالمصنع انت كريم

كريم فين اختى

الرجل ممكن بس تمسك اعصابك شويه عشان تقدر تفهم اللى حصل

كريم متعصبنيش فين اختى

الرجل اختك للاسف اتعرضت لاعتداء

كريم وهو يمسك الرجل من ملابسه

اختى انا اتعرضت لاعتداء ازاى ده حصل ومين اللى عمل كده انطق

الرجل بص انا مقدر اللى انت فيه بس لازم تحكم عقلك عشان تعرف حتتصرف ازاى

احنا لما جينا الصبح المصنع وفتحناه لقينا هبه مرميه على الارض ومغمى عليها وهدومها متقطعه وواضح جدا من منظرها انها اتعرضت للاعتداء

كل العمال تقريبا كانوا موجودين وقتها والكل شاف اللى حصل

احنا جيناها على هنا علطول وبعد الدكتور ماكشف عليها قال انها للاسف تم الاعتداء عليها

كريم ومين اللى عمل في اختى كده انا لازم اعرف مين اللى عمل كده انا حقتله واشرب من دمه

الرجل محدش يعرف لسه هى لسه مافاقتش

تخرج اليه الممرضه كريم يتوجه اليها بالسؤال ممكن ادخلها

الممرضه لاء مش حينفع دلوقتى هى واخده مهدئ لما تفوق لو سمحت

يجلس كريم وهو يضرب كفا على كف ويتحدث الى احد

الواقفين ازاى ازاى ده حصل ده المفروض انها كانت بايته مع امها فى المستشفى انا لازم افهم

بعد قليل يسمع صوت صريخها فيدخل سريعا اليها ويحتضنها بشده فهو اخ محب لاخته وحنون عليها

هبه فوقى ياحبيبتى

هبه وهى تحاول الابتعاد عنه وخائفه من رد فعله وعلى وجهها علامات الذعر الشديد انا معملتش حاجه

معملتش حاجه

كؤيم وهو يحاول تهدئتها مټخافيش مټخافيش ياهبه انا عاوز اعرف مين اللى اذاكى كده مين اللى عمل فيكى كده

وانا والله لحقتله بايدى الاتنين دول حقتله واشرب من دمه

بحق ڤضيحتنا اللى اتفضحناها دى انا حقتله

قوليلي ياهبه مين اللى عمل كده مين مين

هبه معرفش معرفش

بينما على الجانب الاخر كانت اسرة نور تجلس امام غرفة العمليات ينتظرون خروج الدكتور للا طمئنان عليها حيث تم اجراء عملية فى ساقها

يخرج الطبيب اليهم فيجرى عليه الجميع هاه يادكتور طمنا

الدكتور الحمد لله قدرنا نسيطر على الوضع بس حتحتاج تقعد فى الجبس فترة

فهمى وهو يبكى على ابنته دكتور الله يخليك كلمنى بصراحه هى بنتى حتقدر تمشي على رجلها تانى حتقدر ترجع اقف على رجليها تانى

الدكتور طبعا ده اكيد

ان شاء الله بشروا ولا تنفروا وتفاءلوا الخير تجدوه

الكل يارب يارب

تتجه حياة الى عايده والدة نور اطمنى ياطنط ان شاء الله نور حتبقى كويسه والحمد

لله انها جت على اد كده

فتنظر لها عايده حياة يابنتى انتى بايته معانا من امبارح وصممتى متروحيش وادينا الحمد لله اطمنا على نور قومى ياحبيبتى روحى انتى عندك كليه

حياة لاء انا مش حمشي قبل ماسمع صوتها

عايده تعرفى ان نور بتحبك اوى

حياة والله ربنا يعلم غلاوة نور عندى دى اختى وصاحبتى

عايده والبنات الصغيرين بنات اسر هما كمان بيحبوكى اوى وكل شويه يسالوا عليكى لدرجة انهم خلونى نفسي اشوفك

حياة ربنا يخليكى يارب ياطنط ويشفيلك نور يارب

اسر وهو يوجه حديثه لحياة قومى ياحياة ياللا عشان اروحك انتى لازم ترتاحى والنهارده مفيش شغل

حياة معلش يا استاذ اسر بس انا مش حقدر امشي غير لما اطمن

على نور واسمع صوتها

اسر بس انتى كده حتتعبي

حياة مفيش تعب ولاحاجه

فيرن تليفونها

صباح الخير ايوة ياابو علا

أبو علا ايه ياحياة انتى كويسه ياحبيبتى

تقوم حياة بعيدا عنهم لتتحدث بحريه اليه

كان اسر لديه رغبه شديده فى معرفة من تتحدث اليه حياة

واخذ يسال نفسه ياترى خدتى التليفون ورحتى بعيد ليه

انتى مش عاوزانى اسمع بتكلمى مين ليه

ثم يقول لنفسه وانت مالك شاغل بالك باللى بتكلمه ليه ماتكلم اللى تكلمه وانت مالك

فيقول لنفسه ازاى يعنى وانا مالى هى مش شغاله عندى وانا لحد دلوقتى مااهتمتش اتاكد من المعلومات اللى قالتهالى نور عنها

واكتفيت باجتهادها فى الشغل

فيقول لنفسه اكتفيت باللى عرفته وا للا انت مش عاوز تعرف حاجه تانى عنها عشان متلاقيش حاجه تخليك تبعدها عنك

اسر احترم نفسك انت راجل محترم وعمرك ماخنت حتى لو كنت مش طايق الزفته اللى متجوزها بس هى مراتك ومش ممكن تسمح لنفسك فى التفكير فى واحده غيرها

بينما على الجانب الاخرابو علا طيب ياحياة اهم حاجه انى اطمنت عليكى عشان اطمن صاحبتك من ساعة مارجعت

علا وقالت انها ملقيتكيش فى الشقه وهى لا على حامى ولا على بارد

ولولا ان محمد تعبان كانت راحت قعدتلك قدام باب الشقه

حياة محمد حبيب قلبي ماله

ابو علا اصله لسه واخد التطعيم وسخن

حياة حبيبي الف سلامه عليه ان شاء الله حيبقى كويس

انا لما اطمن على نور حعدى عليكم على طول

ابو علا طب انتى مش عاوزة حاجه

حياة ربنا يخليك لية منحرمش منك يا رب وسلملى على ام علا على مااجيلكم

تتجه حياة للجلوس مرة أخرى بجوار عايده وتمسك بيدها لتطمئنها

بينما اسر ينظر لها نظرات غاضبه تلاحظها حياة فتسال نفسها هو ماله بيبصلي كده ليه

ده شكله مش طايقنى بس انا معملتش حاجه

واللا يمكن شايفنى فارضه نفسي عليهم ايوة اكيد مانا طبعا

مش فى مستواهم ولا زيهم

بس ميهمنيش انا كل اللى يهمنى اطمن على نور وبس وبعد كده حمشي على طول

بينما اسر يحدث نفسه ياترى مين محمد حبيب قلبها ده

معقول يكون واحد بتحبه

وليه لاء مااكيد فى حد فى حياتها

وبعدين انت شاغل نفسك بيها ليه هى حرة تحب ترتبط وانا مالى بيها

يخرج الدكتور ويطمئنهم على حالة نور وانها فاقت واستعادت وعيها ويمكن لهم بالدخول لزيارتها

يدخل الجميع لها

فتقبل امها يدها نور حبيبة قلبي الف حمدلله على السلامه يا قلبي ربنا يخليكي ليا يا نور عينيه يارب

كده بردو يابنتى كنت حنوت من الخۏف عليكى يانور عينى

حياة الف حمدالله على السلامه يا نور ياحبيبتى

نور الله يسلمك ياحياة هو انا جرالى ايه

فهمى مفيش حاجه يا حبيبتى ان شاء الله حتبقى زى االفل

يقترب اسر من نور مقبلا جبهتها حمدالله على السلامه يا قلب اسر سلامتك يا ست البنات ربنا يطمنا عليكى يارب

نور الله يسلمك يا حبيبي ربنا يخليك لية منحرمش منك يا رب

ثم يتجه بنظره لحياة مش اطمنتى على نور ياللا عشان تروحى

حياة وقد احست بالخجل والاحراج حاضر انا ماشيه نور حبقى اجيلك ياحبيبتي خللى بالك من نفسك

وتخرج حياة سريعا وقد احست بالاحراج من طريقة اسر معها

عايده ايه يااسر انت كلمت البنت كده ليه

اسر عادى ياماما مانا كلمتها عادى

فهمى لا مش عادى يابنى انت احرجتها اوى كانك بتقوللها وجودك غير مرغوب فيه

ده هى اللى بلغتنا بموضوع اختك واحنا ولا كنا حسين

اسر فى ايه يابابا مالكم مكبرين الموضوع كده ليه هو انا طردتها هى مش معانا من بالليل المفروض تروح دى واحده عندها محاضرات وجامعه

عايده ايوة يااسر معاك حق يابنى بس بردو كنت ممكن تكلمها بطريقه احسن من كده انت عمرك ماكنت قليل الذوق مع حد

وكانت تنظر له نظرات لها مغزى فهى امه واكثر الناس احساسا به

بينما كانت حياة تمشي بعجل نزلت دموع من عينها دون شعور منها حتى انها لم تركب وانما مشت على قدميها حتى اخذتها قدماها للبحر فجلست على احدى الاستراحات الموجوده على الشاطئ التى تقابل منظر البحر واخذت

تحدث نفسها مالك زعلانه من ايه

زعلانه من الطريقه اللى اسر كلمك بيها

كلمنى بطريقه غريبه للدرجه دى وجودى مضايقه

عشان بس تحطى نفسك فى الوضع الصح واديكى اتاكدتى اهوه من الفرق اللى بينك وبينهم متفتكريش ان عشان انتى بتحبي نور حيسمح لك اسر انك تاخدى عليهم ده حتى استغرب اوى لما عرف ان نور كانت جايه عندك

طبعا مانا مش من مستواهم انا فين وهما فين بس انا بحب نور اوى وحبيت ملك وبناته اوى حتى مامة نور ست جميله

وهما يعنى عشان ابتسموا فى وشك يبقوا خلاص اعتبروكى واحده منهم لاء فوقى كده ومتتعشميش فى حاجه مش حتحصل

خللى عندك كرامه ياحياة اسر تقريبا طردك من المستشفى

لاء مطردنيش

والطريقه اللى كلمك بيها دى تسميها ايه

تقف حياة وتحدث نفسها بصوت عالى مش مهم طردنى طردنى انا بردو حروح واطمن على نور

وهو ملوش عندى غير ان اكون مجتهده فى شغلى وبس

تظل ماشيه على الكورنيش فترة حتى تاخذها قدماها الى ام علا ومن غيرهم الماوى والامان لها فهم اهلها وسكنها

الحقيقي الذى تدعو من الله ان يظلوا بجانبها طوال العمر

بينما اسر فى المستشفى يؤنب نفسه على طريقة الكلام التى تحدث بها لحياة خاصة انه لم يكن ابدا قليل الذوق مع اى شخص فى الدنيا ويسال نفسه ليه ليه كلمتها كده انت احرجتها اوى يااسر هو يعنى عشان سمعتها بتكلم واحد تقوم تقلب عليها كده

فوق فوق مش اسر التهامى اللى يعمل شغل المراهقين ده

ثم يفيق على صوت الهاتف

ايوة ياملك

ملك اسر فى ايه يااسر نور مالها

اسر الحمد لله ياملك

ملك انتوا ازاى تمشوا كده من غير احنا مانعرف حاجه

اسر محبناش نقلقكم

فارس ياخذ منها التليفون ايه يااسر هو مش انا اخوها ازاى اختى تبقى عامله حاډثه وتروح المستشفى وانا اعرف من الخدم انتوا فين

اسر مفيش داعى تتعب نفسك يافارس نور ان شاء الله حتبقى كويسه

فارس متعبش نفسي ازاى انتوا فين

اسر فى مستشفى...........

يتجه فارس وملك مباشرة الى المستشفى حيث يجدون عايده وفهمى واسر خارج الغرفه جالسين

تجرى ملك على عايده ماما طمنيني ياماما نور عامله ايه

عايده الحمد لله والله

بس هى واخده نسكن ونايمه دلوقتى

فارس هى وضعها ايه بالظبط

اسر كسر فى

رجليها وكان فى ڼزيف داخلى والحمد لله قدروا يسيطروا عليه

فارس ينظر لامه التى تنظر الناحيه الاخرى اطمنى ياماما ان شاء الله حتبقى زى

الفل

عايده ان شاء الله

فارس مالك يا ماما بتردى علية كده ليه

اسر فى ايه يافارس مالك انت كمان

فارس ماما مش عارف بترد علية كده ليه

عايده يعنى مش عارف برد عليك كده ليه انت جاى ليه يافارس قول جاى ليه وجاى لمين اصلا

فارس جاى لاختى

عايده ههههههه تصدق ضحكتنى

اختى الله كلمه جميله اوى كان نفسي اسمعك بتقولها من زمان

من امتى وانت بتعتبر نور اختك ها من امتى وانت اصلا شايفها بنى ادمه فى حياتنا من امتى يافارس

من يوم ياحبيبتى ماجت على وش الدنيا وانت حاططها على دماغك مبطقش ليها كلمه عمرك ماحسستها انها اختك

حبيبتك وأنك اخوها سندها اللى اول ماتقول اه تلاقيه جمبها

انت جاى تطمن على ضحيتك

فارس ضحيتى

عايده متستغربش ايوة ضحيتك عارف ليه عشان انت السبب فى

الحاډثه دى

فهمى انتى بتقولى ايه يا عايده

عايده بقول الحقيقه نور كانت خارجه من البيت وهى بټعيط من طريقة كلامه ومعاملته ليها واخر طلب طلبته منى انى اقوله ينسى ان ليه اخت وميحاولش يتكلم معاها كلمه واحده ولو شافها فى طريق كانه ميعرفهاش واللا حتسيب الببت وتمشي

فارس انتى بتقولى ايه يا ماماايه الكلام اللى بتقوليه ده

عايده بقول الحقيقه يافارس مش هو ده اللي كان نقسك فيه اهو حصل

فارس نفسي فى ايه ياماما انا نفسي ان اختى تقول انها حتسيب البيت لو اتكلمت معاها تانى

فهمى امشي يافارس اتفضل امشي من هنا

ملك من فضلك انا مش عاوز نور لما تفوق تضايق او تزعل وده خطړ على حياتها

اسر بابا مينفعش اللى حضرتك وماما بتعملوه ده احنا فى المستشفى مش فى بيتنا

فهمى وعشان احنا مش فى بيتنا من فضلك يااسر خليه يمشي دلوقتى ولينا كلام بعدين فى البيت

فى منزل هنا

والدها ايه