قصه أم

شيرين ومازن وجاءت عفاف ومصطفى ويسر ومالك وجاءت شهد وفريد الكل تجمع والكل سعيد ومسرور بان هذا اليوم سيتم فيه تحديد ميعاد الزواج المبارك

فهمى ان شاء الله الاسبوع اللى بعد الجاي نفرح بالولاد ونجوزهم ايه رايكم ياجماعه

مصطفى على بركة الله

يقف سعيد وياخذ حياة فى حضنه الف مبروك ياحبيبة قلبي

حياة الله يبارك فيك يا اخويا ياحبيبي ربنا يخليك لية منحرمش منك يارب

تطلق نور وشهد الزغاريد التى تعبر عن مدى سعادتهم بهذا الخبر

يهنئهم الجميع وهم يتمنون لهم السعاده والهناء

عفاف وهى تحتضن ابنتها كنت خاېفه اوى ياحبيبتي مشوفكيش وانتى عروسه

الحمد والشكر ليك يارب

حياة ياحبيبتى ياماما ربنا يخليكى ليا يا حبيبتي

علا الف الف مبروك ياحبيبة قلبي ربنا يهنيكم ويسعدكم يارب

حياة الله يبارك فيكى ياعلا عقبال ماتفرحى بعلا وشهد

ومحمد يارب

شهد حياتى ياناس انا مش مصدقة نفسي معقوله ياحبيبتى حفرح بيكى ياااه انا مبسوطه اوى الف الف مبروك ياحبيبة قلبي

حياة الله يبارك فيكى ياشهد منحرمش منك يا حبيبتى يارب

ملك الف مبروك ياحياة

حياة الله يبارك فيكي يا ملوكه عقبال ما ربنا يقومك بالسلامه يارب

ملك يارب احسن انا خلاص مش قادرة حسه انى حنفجر فى اى لحظه

حياة هههههه بعد الشړ عنك ياروحى ان شاء الله تقوميلنا بالسلامه وتجيبي لنا فارس الصغير

ملك يارب ياحبيبتي

فى فيلا مؤمن

وفاء اخيرا يا حبيبي حفرح بيك وحشوفك عريس يامؤمن

مؤمن كل شئ باوان ياماما

وفاء الحمد لله يا حبيبي ان ربنا رزقنا ببنت الحلال اللى تريح قلبك واكون مطمنه عليك وهى معاك يا حبيبي عشان لما اقابل وجه كريم اكون مطمنه عليك يانور عينيه

مؤمن الف بعد الشړ عنك يا ست الكل ربنا يخليكى يارب ياحبيبتي منحرمش منك ويديكى الصحه وطولة العمر

وفاء والله يابنى انا ما فى حاجه شغلانى غيرك ياحبيبي وخلاص اهوه الحمد لله ياسلام بقى يامؤمن لو ربنا يمد فى عمرى لحد مااشيل ولادك ياضنايا

مؤمن ان شاء الله ياحبيبتي حتشيلي ولادى وتفرحى بيهم وتشوفيهم وهما بيجروا قدامك

ربنا كريم اوى ياماما بصراحه ياماما انا عمرى ماكنت اتخيل انى ححب بالشكل ده

وفاء ياحبيبي يابنى انت بتحب نور اوى كده ربنا يهنيك ياابنى يارب

مؤمن بحبها اوى ياماما عارفه ياماما مكدبش عليكى زمان كتت بقول انا يوم مااتجوز لازم اتجوز ملك ة جمال عاوز الناس وانا ماشي معاها تحسدنى على جمالها عاوز الكل ينبهر بيها وبجمالها عشان كده لما خطبت اول مرة وشفت نظرات الاعجاب دى فى عيون الناس كنت مبسوط اوى وحاسس بالفخر

لكن بعد كده عرفت ان ده كان تفكير مراهق وسطحى وان مفيش احسن ولا اجمل من الاخلاق وان الشكل ممكن يتغير فى لحظه وحتى لو فضلت جميله بكرة حتعود عليها وعلى شكلها وحيبقى بالنسبه لى شئ عادى لكن اللى بيدوم الاخلاق والاصل الطيب والتربيه

وبرغم ان نور جمالها عادى جدا بس حاسس انها اجمل بنت فى الدنيا كلها وهى بادبها واخلاقها خلتنى بقيت بمۏت فيها ومستني اليوم اللى تبقى فيه مراتى بفارغ الصبر

وفاء طبعا يامؤمن اه الشكل مهم بردو بس والله يابنى مفيش حاجه بتدوم غير الاخلاق

الاصيله هى اللى تشيلك فى المړض والفقر والحزن وتبقى معاك عالحلوة والمرة

وبعدين حنروح بعيد ليه مااديك شايف يامؤمن رنا بنت جيرانا اللى فى الفيلا اللى جمبنا ماهى ياحبيبة قلبي كانت زى الورده المفتحه ومكنش فى حد فى جمالها وكان كل يوم عريس متقدملها انا نفسي كان نفسي اخطبهالك

ولما كلمت مامتها قالتلي مش حينفع عشان هى كانت اكبر منك بسنتين والبنت عاوزة واحد اكبر منها

واديك شفت يابنى مش بعد مااتجوزت وخلفت ولدين بسم الله ماشاء الله ربنا يحميهم ويخليهم لها يارب مش بين يوم وليله جالها الورم واهى من ساعتها ياحبيبتى متبهدله فى العلاج الكيماوى وصحتها راحت عدم ومش غايظنى غير جوزها قليل الاصل اللى بدل مايقف جمبها وباحد بايدها لحد ماتخف لا ده حالا ماراح جرى واتجوز وسبها ياحبيبة قلبي

والله انا مابقول كده عشان حاجه انا عارفه ان المړض والصحه بايد ربنا انا بس اللى اقصده ان مفيش حد يتغر بحاجه فى ايده لان محدش

يعلم بكرة فى ايه

ومينفعش ان الراجل من دول يقول يااما تبقى البنت قمر يامتجوزهاش طب والبنات العاديين نعدموهم يعنى واللا ايه

مؤمن انا فاهم قصدك ياست الكل هو فى حد فى

طيبة قلبك يافوفه وبعدين وانتى بتروحى بعيد ليه ياماما هو يعنى بابا معملهاش من قبل الكل

وفاء ايوى يابنى معاك حق ياللا الله يسامحه

المهم بس عزمت اخواتك ياحبيبي

مؤمن تفتكرى ياماما ان فى حد منهم حيهتم وييجى الفرح

وفاء المهم بس انت اكدت عليهم المعاد يا مؤمن

مؤمن ايوة وآلله اكدت عليهم المعاد بس انا قلبي بيقوللى انهم مش حييجوا

وفاء لا ياحبيبي مش معقول ميجوش اكيد حيتصرفوا وييجوا

طب وبلغت باباك يامؤمن

مؤمن بابا هههههه ضحكتينى والله ياماما ده انا لما جيت اتصل عليه لقيته انتظار فضلت ارن عليه كل شويه يدينى انتظار قلت خلاص اسيبه يمكن بيتكلم مكالمه مهمه ولما يخلصها يتصل علية

ولا اتصل ولاعبر واخر مازهقت بعتله رساله قلتله انى حتجوز وبلغته معاد ومكان الفرح عارفه عمل ايه ياماما

تانى يوم لقيته باعتلى رساله بيقولى مبروك مقالش ولا اى كلمه تانيه

يبقى تفتكرى حييجى انسي ياماما انسي انا خلاص ياحبيبتى مبقاش لية حد فى الدنيا كلها غيرك ياامى

والحمد لله ان ربنى عوضنى بنور وعيلتها اللى طول الوقت بيعتبرونى واحد منهم ودايما بيشاركونى فى كل حاجه تخص حياتهم وبحضر معاهم كل مناسباتهم مش بقولك ربنا كريم اوى ياامى

نور واهلها هما عوض ربنا لية يافوفه

وفاء الحمد لله ياحبيبي ربنا عالم بطيبة قلبك يامؤمن عشان كده عوضك وان شاء الله ربنا حينصرك ويديك كل اللى نفسك فيه

مؤمن يارب ياامى يارب

صوت القران الكريم وايات الذكر الحكيم تملاء الشارع كله والانوار معلقه وبوكيهات الورد الجميله تملاء المكان الاهل والاصدقاء وزملاء العمل والمعارف وكل من له صله باسر التهامى يريد ان يشاركه فرحته ولكنها لم تكن فرحته وحده بل فرحة مازن وسعيد بهذا المشروع الذى يتم افتتاحه فى هذا اليوم

نعم فذلك اليوم هو افتتاح سلسلة المحلات التى اسسها مازن واسر وسعيد

الزبائن تملاء المكان والعمال والموظفين يعملون بكل همه ونشاط تخفيضات هائله وعروض جبارة بمناسبة الاحتفال الكل سعيد والزبائن تتهافت على الحضور للاستمتاع بهذا الشراء وهذه العروض

يجلس اسر ومازن وسعيد لتوقيع العقود ويجلس فارس وفريد زوج شهد ليقوموا بالتوقيع كشهود على هذه العقود

يضع اسر توقيعه على العقد ويضع مازن هو الاخر توقيعه امام الجميع والكل يبارك ويهنئ ويدعو لهم بدوام التوفيق

اسر سعيد تعالي ياللا

سعيد خير يااستاذ اسر

اسر ياللا عشان توقع انت كمان على العقود

سعيد مش استاذ فارس واستاذ فريد وقعوا

اسر لا ياسعيد فريد وفارس وقعوا كشهود على العقد لكن انت حتوقع كشريك معانا فى المشروع

يتفاجا سعيد نعم فهو لم يكن لديه علم بهذا الامر برغم معرفة الجميع الا انهم اتفقوا بالا يخبره احد حتى تكون مفاجاة له

سعيد حضرتك بتقول ايه بس يااستاذ اسر شريك ايه بس

اسر سعيد انا وانت ومازن شركاء بالتلت كل واحد فينا ليه التلت ولو مش مصدقنى خد اقرا العقود بنفسك

سعيد لا لا انا مش موافق على الكلام ده يعنى ايه اكون شريككم وانا مدفعتش ولا مليم والمشروع متكلف مبالغ كبيرة واللى دفعها انت واستاذ مازن

مازن سعيد صحيح انا واسر اللى كلفنا المشروع ماديا لكن انت مجهودك الذهنى والبدنى فى المشروع اكتر مننا بمراحل محدش شايل الموضوع فوق دماغه غيرك يا سعيد واللا نسيت الايام اللى كنت انا واسر بنروح بيوتنا وانت بتفضل نايم هنا لحد ماتيجى البضاعه وتستلمها بنفسك ومكنتش بتدخل بيتك غير لما تطمن بنفسك على كل حاجه

سعيد احنا مبنتفضلش عليك بحاجه ده حقك ياسعيد فاهم يعنى ايه حقك وياللا اتفضل امضي خللى فرحتنا تكمل

اسر وهو يقدم القلم لسعيد امسك القلم وامضي ياسعيد ياراجل ياطيب

ياخذ سعيد القلم ويمضي

يصفق الجميع لهذه المشاركه التى جمعت بين ثلاثه اشخاص من خيرة الناس ثم يقبل عليهم الجميع بالتهانى

حياة وهى تحتضن سعيد الف مبروك يااخويا الف مبروك يا غالي يااغلى الناس

سعيد بس ده كتير علية اوى ياحياة

حياة كتير هو ايه اللى كتير عليك انت الدنيا كلها لو اتحطت تحت رجليك تبقى حاجه قليله اوى جمب حنيتك وكرمك وجدعنتك وشهامتك ياحبيبي الف مليون مبروك يا قلب اختك

سعيد الله يبارك فيكي يا حبيبتى وعقبال ما اشوفك دكتورة اد الدنيا

حياة ان شاء الله يا حبيبي

علا وهى تحتضنه وتقبله من خده الف مبروك ياسعيد الف مبروك يا حبيبي

سعيد الله يبارك فيكي ياست الستات

كانت ملك عينها على فارس لتراقب نظراته لكل امراة وهل تغير حقا كما وعدها ان انه سينقد وعده كما اعتادت منه على ذلك خاصة وانها تعلم ان عيناه دائما مسلطه على علا ولكنها تفاجئت به لا ينظر لها مطلقا بل منشغل بالحديث مع فريد زوج شهد غير مهتم بوجود اى امراة امامه

فحمدت الله بينها وبين نفسها ودعت الله ان يثبته وان يتغلب على شيطانه وان يعميه عن كل نساء العالمين سواها

تاتى تولين وسيلين ببوكيه من الورود الجميله التى انتقتها حياة بعنايه ليقدماه الى ابيهما

تولين وسيلين بابى مبروك يابابي

اسر وهو يحتضنهم حبايب قلب بابي الله يبارك فيكم يانور عينية

الله ايه الورد الحلو ده

تولين احنا قلنا لمامى حياة عاوزين نجيب ورد لبابي وهى اللى جابتهولنا عشان نديهولك يابابي

ينظر اسر لحياة بحب ورغبة منه فى تقديم الشكر لها

حياة الف مبروك يااسر

اسر مبروك علينا كلنا ياحبيبتى

يقدم مصطفى التهنئه لهم جميعا وهو سعيد بشده لموقف اسر من سعيد

وتتقدم يسر ومالك ايضا لتقديم التهنئه وعفاف التى كانت تحمل مصطفى الصغير على ذراعها فياخذه منها اسر ويقبله

بسم الله ماشاء الله ربنا يحميه ويحفظه ويباركلك فيه يامالك

مالك ربنا يخليك يارب وعقبال مانفرح بيكم وبولادكم انت وحياة

يسر الف الف مبروك ياجوز اختى

اسر ههههههه الله يبارك فيكى ياام مصطفى

يسر بقولك ايه اعملوا حسابكم اول بنت تخلفوها حتبقى عروسة مصطفى اه انا مش حخللى حد غريب ياخد بنت اختى

حياة هههههه وهو انااطول ان بنتي تتجوز ابن اختى الغاليه

طفطف حبيب قلب خالتو من جوة

مالك لاء والحمد لله ان الولد بعد ماكان نسخه منى قلب على مامته شويه

عفاف ليه ياحبيب امك وانت مالك ياقلبي من جوة ده انت سيد الرجاله

مصطفى طبعا مين يشهد للعروسه

الكل سعيد والفرحه نابعه من قلب الجميع بهذا الافتتاح الهائل

وياتى دور مؤمن الذى يقدم لهم التهنئه هو الاخر حيث انه حضر متاخرا بعد توقيع العقود وهذا هو السبب الذى جعل اسر يطلب من فريد ان يوقع كشاهد مع فارس بعد ان كان فى نيته ان يجعل مؤمن شاهدا ولكنه تاخر عن الميعاد لظروف عمله

اسر ايه ياابونسب اتاخرت كده ليه

مؤمن معلش والله كان عندى شغل الف الف مبروك وربنا يجعلها فاتحة خير عليكم ان شاء الله

ثم يتجه بنظره للبحث عن نور فيجدها تحمل اسر ابن شهد وتقوم بهدهدته والضحك معه

مؤمن حبيبي بيلعب مع اسر الصغير

نور حبيبي حمد الله على السلامة شفت يامؤمن اسر امور ازاى

مؤمن فعلا هو امور اوى ربنا يحميه يارب بقولك ايه انا عاوزك تتجدعنى عاوزك

تمليلي الفيلا ولاد انا عاوزك تخلفى دسته

نور دسته يالهوى حرام عليك وانا اربيهم ازاى دول

مؤمن ملك يش دعوة خلفيلي انتى بس وانا حجيبلك مربيه تربي الولاد

نور حبيبي ربنا يقدرنى يارب واحققلك

كل اللى

نفسك فيه

مؤمن ان شاء الله ياحبيبتي طول مااحنا مع بعض حنحقق كل اللى نفسنا فيه

الفرحه تملاء المكان والجميع سعداء وهم يرون الاقبال الشديد من الجمهور على المكان نعم فان للنجاح نكهه لا يعرف طعمها الاكل مجد ومخلص فى عمله

ولكل مجتهد نصيب

بعد انتهاء الحفل ووجود العاملين فقط فى المكان يدخل اسر المكتب ويطلب من سعيد فقط وحده ان يدخل معه

تعالى ياسعيد اقعد

سعيد خير يااستاذ أسر

اسر اولا بقى كلمة استاذ اسر دى بتعصبنى اسمى اسر اسر بس عيب انت اخو مراتى ياراجل ياطيب

سعيد لا يااستاذ اسر المقامات محفوظه انا مقدرش اقولك كده اسمك من غير القاب

اسر سعيد الله يخليك متتعبش قلبي طب بص ممكن تقوللى ياابوتولين اوابو سيلين ايه رايك وممكن تقوللى ياابو نسب كمان

سعيد ههههههه ماشي ياابو نسب

اسر سعيد خد امضي على العقد ده

سعيد عقد عقد ايه ده كمان

اسر ده عقد شقه تمليك باسمك قريبه من الفيلا عشان تبقى عايش جمبنا وحياة وانتوا تقدروا تزوروا بعض بسهوله

سعيد لا لا كده كتير اوى لا انا مش موافق

اسر ايه الكلام ده ياسعيد

سعيد بص يااستاذ اسر انا وافقت على انى اكون شريككم لكن شقه فى مكان زى ده تمنها غالي اوى ازاى اقبلها كده من غير ماادفع تمنها لاانامش موافق طبعا

اسر طب ممكن تسمعنى من غير متعصب نفسك

سعيد انت غلاوتك عندنا كلنا ملهاش حدود انا لو قلتلك ان والله العظيم غلاوتك من غلاوة فارس حتصدق واللا لاء

سعيد بس ده مش مبرر عشان

اسر عشان ايه عشان اهديك شقه

وفيها ايه ياسعيد ده النبي قبل الهديه

سعيد انت لو رفضت الشقه دى حعرف انى مليش غلاوة عندك

سعيد انت اخويا وحتبقى خال ولادى ومقامك غالى اوى فوق مايتخيل عقلك انت حتعيش جمبنا فاهم انا مبقلش تيجى تعيش معانا فى الفيلا عشان ترفض انت حتعيش فى شقه زى اللى انت عايش فيها بالظبط متفرقش عنها حاجه كل الحكايه بس انها حتكون اقربلنا من اللى انت فيها عشان الست حياة تقدر تروحلكم باستمرار وبسهوله

عشان انا عارفها متقدرش على بعدك دى مش بعيد تقوم فى وسط الليل ټعيط وتقوللى ودينى عند اخويا

وبعدين هى دلوقتى بتروح تبات عندكم براحتها لكن انا بصراحه نفسي لما نتجوز لا تبات عندك ولا عند مامتها اتا مش حاببها تبعد عنى ابدا يبقى على الاقل لما تكون جمبنا ممكن تسهر معاكم طول الليل بس فى الاخر اول ماتنزل الشارع حتبقى قدام الفيلا دى ممكن ياراجل تروحلكم بالبجامه

سعيد ههههههه وانا كل اللى يهمنى سعادة اختى خلاص لو الموضوع كده يبقى ادفع تمنها ان شالله بالتقسيط لان لو علية كنت بعت الشقه اللى احنا فيها بس