قصه أم

اعرف ان ربنا بعتلها اللى احن عليها من اللى من لحمها وډمها

وان ربنا كتبلها النجاه والستر على ايد ناس مفيش بينها وبينهم اى صله

اللهم لك الحمد والشكر

الف حمد وشكر ليك يارب

قولولى اعمل معاكم ايه هاه اؤمورينى باى حاجه فى الدنيا حعملهالكم

انتوا حافظتوا على روحى على عمرى كله على بنت عمري

علاياحبيبتى متقوليش كده احنا معملناش حاجه تستاهل ده كله

دى حياة غاليه علينا اوى اوى

دى حبيبتنا ونور عينينا

مصطفى لا انتوا عملتوا وعملتوا كتيييييير اوى

كانت حياة لاتقوى على الكلام فقط كل ما فعلته ان قامت وارتمت فى احضان ابو علا ذلك الحضن الذى احتماها من غدر الايام والسنوات التى مرت عليها بكت وبكت بكاء جعل الجميع يشاركونها دموعها

كانت تبكى باهات خارجه من قلبها خارجه من قلب لم يشعر بطعم السعاده والهناء بعد غياب امهاالا فى ذلك الحضن

الحضن الذى اغرقها بعطفه وحنانه

اااه اااه يااخويا شفت امى جميله ازاى شفت امك جميله ازاى ياابوعلا ياغالي يااغلى من نور عينيه

ايوة ماهى امك وامك انتى كمان ياعلا دى امكم

الحنينه الطيبه اللى كان كل همها انى ابقى الدكتورة حياة واللى خلاص كنت نسيت الحلم ده لولاك انت ياحبيبي لولاك انت ياتاج راسي

الكل بلا استثناء كان يبكى على بكاء حياة وهى فى احضان سعيد

بينما كان سعيد يتحدث اليها ويمسح على راسها والدموع ټغرق وجههحياة حبيبة اخوكى كفايا عشان خاطرى متوجعيش قلبي الله يخليكى

انا مش قادر صدقينى والله ماقادر

ثم يرفع وجهها ويمسكه بيديه حبيبتى انتى اختى ونور عينيه واحلى حاجه حصلتلنا

انتى كنتى النور اللى نور حياتنا انا كنت فاكر انك مش حتخرجى من بيتى غير على بيت جوزك لكن ربنا قدر انك تخرجى من بيت امك على بيت جوزك

حياة انتى حتفضلي هنا مع امك ياحياة مش عشان احنا خلاص مش عاوزينك لا يانور عينيه والله ابدا لكن ده حقك

وحق الست دى انكم تشبعوا من حضڼ بعض قبل ماتروحى بيت جوزك ياحبيبتى

بس اوعى تنسي تعزمينا عالفرح ياحياة

حياة وهى تبكىانت بتقول ايه لا انا مش حسيبكم مش حسيبكم يااخويا مش حقدر اسيب البيت اللى حضنى وحسسنى بالامان

ايه يااخويا انت بتقوللى انسى انسى ايه واللا ايه لو انت نسيت يبقى انا انسى

نسيت نسيت انك انت اللى حميتنى وخفت تخلينى اسكن فى مكان متعرفهوش وخلتنى فى وسطكم

نسيت ان لولاك مكنتش عرفت اكمل تعليمى

نسيت انك انت اللى قريت فاتحتى

واللا نسيت انك حتكون وكيلي واللا نسيت انك انت اللى بتجهزنى وكل شويه تدى فلوس وتقطع من قوتك وقوت ولادك عشان ترفع راسي قدام خطيبى واهله

ومتحسسنيش انى اقل من اى بنت فى الدنيا

طب نسيت نسيت ياسعيد يااخويا انك انت اللى جريت بية وانا پصرخ من الالم عشان تعمللى العملية اللى لولاك كنت مت ولا حد حس بية

نسيت انك على طول رافع راسي قدام خطيبى ودايما مشرفنى قدامهم

اذا كنت نسيت انا عمرى ماحنسى

لا لا مش حيحصل انى ابعد عن حضنكم ابدا

سعيد ولا انا حقدر ياحبيبتى على فراقك وبعدك عنى بس بس ربك هو اللى اراد وكله مقدر ومكتوب

حياة ماما ماما انا حجيلك كل يوم مش حسيبك ولا لحظه بس انا كمان مش حقدر ابعد عنهم دول حياتى ياماما دول روحى دول كل

دنيتى مش حقدر ابعد عنهم

عفاف وانا عمرى ماحقدر اطلب منك تبعدى عنهم ياضنايا

مصطفى سعيد اذا

كانت حياة مش حتقدر تبعد عنكم فاحنا كمان مش حنقدر نبعد عنكم بعد النهارده

انتوا مش حتخرجوا من حياتنا انتوا فاهمين انت ا حتفضلوا معانا حنكمل حياتنا كلنا سوا حنبقى عيله واحده عيله الحب والتراحم هو اللى جمع بينهم

اللى بيننا صحيح مش ډم لكن اقوى بكتير اوى

سعيد حضرتك بتقول ايه يادكتور وتقصد ايه انا مش فاهم حاجه

مصطفى سعيدانا بترجاك انك توافق انك انت وولادك تعيشوا معانا هنا

سعيد نعيش معاك فين

يادكتور

حضرتك بتقول ايه بس لاطبعا مينفعش احنا عندنا بيتنا الحمد لله ومينفعش ابدا الكلام اللي حضرتك بتقوله ده

مصطفى سعيد سعيد انا بترجاك

انا محتاجك ياسعيد محتاجك فى حياتى صدقنى محتاج اخ زيك انا معنديش اخوات اتمنيت من ربنا كتير انى يكونلى اخ بس ربنا ماارادش

وانت سند ياسعيد سند للكبير قبل الصغير متفتكرش ان حياة بس اللى محتاجاك احنا كلنا محتاجينك وانا محتاجك اوى ياسعيد محتاج اخ اخ لية يكون سندى فى دنيتى يكون عكازى فى كبري وانا مش حلاقى سند لية غيرك ياسعيد

ترضى ياسعيد تكون سند لية واللا ده كتير عليه انى اتعشم واطلب منك طلب زى ده

سعيدده كلام كبير اوى علية انا فين بس وانتوا فين ده حضرتك دكتور كبير وانا راجل غلبان على اد حالى كل اللى معايا اعداديه و من بواب لمحل بقاله بجيب منه رزقى ورزق ولادى ايه وصلنى ليك يادكتور

مصطفى مش بالتعليم ياسعيد ولا بالشهادات

انت اللى زيك مدرسه لازم الكل يتعلم منها

وانا اللى المفروض اتعلم منك يا سعيد

وانا اول واحد محتاجك ياسعيد

سعيدبس انا وولادى حنقعد هنا ازاى وصفتنا ايه بس وشقتنا والمحل

مصطفى كل حاجه حتتحل وكل مشكله وليها حل ياسعيد

اذا كان عالشقه بص اقفلها وابقى روح بص عليها كل فترة اوياسيدى خليها لمحمد لما يكبر وان شاء الله يتجوز فيها

اما بالنسبه للمحل خلاص احنا مش محتاجينه

سعيد ليه حتصرف علية حضرتك واللا ايه يادكتور حنعيش عاله عليك انا وولادى

انا صحيح راجل على اد حالى بس طول عمرى باكل لقمتى من عرق جبينى

مصطفى فى ايه بس مالك ياراجل ياطيب افهمنى الاول

اولا احنا مين قدوتنا فى الدنيا

سعيدالنبي صلى الله عليه وسلم

الجميع عليه افضل الصلاة والسلام

مصطفى طب تقدر تقوللى لما النبي هاجر من مكه للمدينه والمسلمين راحوا معاه مش كل واحد فيهم كان سايب ماله وبيته وتجارته وشغله وراحوا مع النبي عشان يبعدوا عن عڈاب المشركين

هل ياترى النبي سابهم يشحتوا واللا يمدوا ايدهم لحد لا طبعا النبي عليه افضل الصلاة والسلام اخى بين المهاجرين والانصار اللى هما اهل المدينه وطلب من كل واحد من الانصار انه يختار اخ ليه من المدينه ويخليه يشاركه فى ماله وبيته وتجارته والمسلمين سمعوا كلام النبي وعملوا بيه

طب احنا ليه مانعملش زى النبي

ليه مانقتديش بيه واللا احنا بنختار من الدين اللى على مزاجنا وبس

سعيدانا مش فاهم قصدك ايه يادكتور انا راجل على ادى فهمنى الله يخليك

مصطفى انا قصدى انك حتشتغل طبعا ياسعيد ومش بس كده ده انت حتشقى كمان بس وانت هنا فى وسطنا ومعانا انت ومراتك وولادك

البيت هنا واسع وكبير بص ياسيدي الدور الارضي بتاعنا كلنا اللى لناكل ونشرب فيه

وفيه اوضتى انا ومراتى حبيبتى اللى هيه بقت امك انت كمان ياسعيد

اما الدور الاول ده بتاع يسر اختى وجوزها الدكتور اللى انت شايفه ده

وفوقيه فى دور كمان فاضي مش بتاع حد بس من النهارده حيلقى بتاعك انت وولادك ومش بس كده وحياة كمان حتبقى معاكم لان الاوض فوق اكتر

سعيدايه الكلام ده بس يادكتور هو احنا حنقعد نضايقكم فى عيشتكم احنا مالنا بعيشة السرايات احنا غلابه يوم ماربنا كرمنا بالشقه اللى اصلا مش بتاعتنا وادهالنا المستشار قلنا يسعدنا باهنانا لكن توصل اننا نعيش معاكم فى فيلا زى دى لا ميصحش يادكتور ربنا يمتعكم بمالكم ويزيدكم من نعيمه لكن انا مش حقدر اعيش فى مكان غير بيتى

ولا عاوز اخللى ولادى يبصوا لفوق

لازم يعيشوا عيشة اهاليهم واللا حضرتك بتعمل كده عشان يعنى انا راجل على اد حالى ومش اد المقام

مصطفى انت مش اد المقام انت مقامك عالى اوى عندنا ياسعيد

انت ارجل راجل شفته وقابلته فى حياتى

سعيد انا مش حسيبك تمشي يعنى مش حسيبك تمشي انت فاهم

يسروالنبي ياابيه سعيد وافق عشان خاطرى عيشوا معانا خليكم معانا احنا حبيناكم اوى

خليكم هنا احنا لوحدينا طول عمرنا لوحدينا وماما عفاف لما جت جابت معاها الهنا كله الاول بجوازى من حبيبي وابو ابنى وبعد كده برجوع اختى حبيبتى اللى ياما اتمنيتها من ربنا ودلوقتى بقى عندى اخ كمان غير ابيه مصطفى

واخت كمان غير حياة اسمها علا وبنات اخت حلوين و امامير اوى

يااه البيت حيتملى حيبقى فيه روح حنفرح ونسهر ونخرج ونعيش اجمل ايام حياتنا ولما حياة تروح بيت جوزها حتجيلنا واحنا نروح لها

عشان خاطرى انا انا محتاجاكم اوى محتاجه اللمه الحلوة دى

صح يامالك

مالكانا لسانى عاجز عن اى كلمه بس صدقنى احنا حنبقى مبسوطين اوى لو قعدتوا معانا

وافق وافق وعمرك ماحتندم انت وولادك انكم فضلتوا معانا

انا كان نفسي اوى اعيش فى جو العيله ده من زمان

وانت شرف لينا يا سعيد

نظر سعيد الى تلك باكية العينين والتى تترجاه ان يوافق ولكنها عزمت امرها

سعيد يااخويا انت مش مجبر انك تقعد فى مكان انت مش عاوزه او مش حابب تقعد فيه

لكن انا مكانى معاك حتى لو كان اخر الدنيا ومش حطلع يوم فرحى غير من بيتك انت يااخويا

كان الجميع منتظر رد سعيد كان الجميع يشجعه على البقاء كل شخص بكلمته الكل كان يطلب منه البقاء مع هذه العائله

ولكن ماذا سيكون رد سعيد

معلش اسفه والله مش عارفه اكتب اكتر من كده حسه ان دماغى وقفت عن التفكير

حتى مش قادرة اعرف سعيد رايه ايه وحيوافق واللا حيرفض وياترى السعاده خلاص جت واللا لسه فى مشاكل ممكن تواجههم تانى

يعلن المؤذن عن اذان صلاة الفجر والكل جالسون لم يتحركوا بعد لم يرد احد منهم الخلود الى النوم بل كان كل منهم يغرق فى احلامه التى يتمنى تحقيقها

مصطفى ياللا بينا يارجاله تقوم نروح نصلي فى المسجد

يتوجه الرجال للصلاه فى المسجد بينما تتو جه كل واحده من النساء للصلاه مع نفسها والدعاء بكل مايحمل قلبها

بعد الرجوع من الصلاة

سعيد يتوجه بالحديث الى مصطفى دكتور مصطفى بعد اذنك انا حاخد الولاد ونروح وطبعا حياة حتبات فى حضڼ امها

مصطفى انا حسيبك تمشي دلوقتى بس اعمل حسابك من النهارده انت وولادك حتبقوا معانا هنا

سعيد سيبها على الله يادكتور وربنا يعمل اللى فيه الخير المهم انا حاخد الولاد دلوقتى واروح

تسلم حياة ويسلم الجميع عليهم وياخذ سعيد اسرته ويمشي

بينما تاخذ عفاف ابنتها لتنام فى حضنها تلك الليله

ويتجه مصطفى الى النوم فى احد الغرف الاخرى

وتصعد شهد واسرتها للنوم فى الطابق العلوى مع يسر ومالك

تنام حياة فى سكون تام بين احضان امها تشم رائحتها التى طالما حرمت منها

بينما يتجه كل شخص الى النوم مباشرة بعد اجهاد هذا اليوم

الطويل

فى الغرفه التى جمعت بين

محمود وهنا

هناحياة دى شكلها طيب اوى يامحموذ

محمود حياة طول عمرها طيبه وغلبانه اوى

هناانت عارف انا خفت انها تكشر فى وشي او تسلم علية بطريقه مش كويسه بس بالعكس دى سلمت علية كانها تعرفنى من زمان

محمودلا ياهنا مش حياة اللى تعمل كده حياة متربية كويس

هناندمان انك سيبتها يامحمود

محمودهنا احنا سبق واتكلمنا مع بعض فى الموضوع ده قبل كده وفهمتك كل حاجه ووالله العظيم انا فرحت جدا لما لقيتها بتكمل تعليمها

وكمان ارتبطت بشخص كويس

لكن لو كنت لقيتها فى وضع مش كويس بجد. كنت حزعل من نفسي اوى وكنت ححس بالذنب ناحيتها لكن دلوقتى الحمد لله حاسس انى مرتاح اوى وربنا يسعدها يارب

هنامحمود انا بحبك اوي

محمودوانا بمۏت فيكى ياقلب محمود

فى شقة سعيد

علااهئ اهئ اهئ

سعيد فى ايه بس ياعلا ماتصللى عالنبي كده

علاحياة حتسيبنا خلاص ياسعيد حياة حتمشي خلاص

سعيد وهو يمسح دموعه هو الاخرلا حول ولاقوة الا بالله فى ايه بس ياعلاماهى كده كده كانت حتمشي وتروح بيت جوزها كمان كام شهر

علاايوة كانت حتروح بيت جوزها بس كنا حنفضل احنا اهلها وكانت حتروح وتيجى علينا لكن دلوقتى هى لقت اهلها الحقيقيين وانا خاېفه خاېفه اوى ياسعيد

خاېفه حياة تنسانا الدنيا تلاهى ياسعيد

سعيدمټخافيش ياعلا مش حياة مش حياة اللى ممكن تنسانا ياعلا اطمنى وطمنى قلبك ياحبيبتي

حياة اصيله ياعلا

علاطب قللى ياسعيد هو انت حتوافق على اللى طلبه منك الدكتور واننا نعيش معاهم

سعيد بقولك ايه ياعلا انا تعبان تعبان اوى وعاوز ادخل انام نتكلم الصبح ان شاء الله

وتتذكر عندما كانت شهد تمزح معها بان عفاف اجمل منها

فتبتسم حياة ولكنها سرعان ماياتى ببالها ذلك الاخ العزيز الذي تريد سماع صوته ورده لعله يستجيب لطلب مصطفى له

تمسك التليفون لترن عليه

فياتيها الرد مباشرةحبيبي صباح الخير

سعيد صباح الفل والياسمين على عيونك يا قلب اخوكى

حياة نزلت المحل

سعيد لا والله يا حياة مليش نفس ياحبيبتى افتح المحل النهارده

حياة قررت واللا لسه مااخدتش قرارك ياسعيد

سعيد لما نقعد حنتكلم مع بعض يا حبيبتى

تسمع حياة طرقا على الباب فتقوم من جانب عفاف لتفتح الباب فتجد مصطفى امامها

فتبتسم له

فيشير اليها الى من تتحدث

حياة ده اخويا سعيد

فيطلب منها الهاتف

حياة حبيبي دكتور مصطفى عاوزك

مصطفى صباح الخير ياسعيد

سعيد صباح الخير يا دكتور

مصطفى سعيد اهل شهد ماشيبن بكرة وانا النهارده عاوز كلنا نتجمع عالغدا ونسهر سوا فاعمل حسابك يابطل انكم معزومين عالغدا النهارده وبعد كده نتكلم براحتنا

سعيد حاضر من عينيه

يغلق معه الهاتف وهو يبتسم لحياة وينظرعلى تلك النائمه

ياااه تعرفى ياحياة اول مره اشوف مامتك نايمه بهدوء اوى كده معظم الليالي كنت بشوف على وشها الحزن وهى نايمه

واحيانا كنت بشوف الدموع وهى نازله على وشها

كنت ببقى فاهم وعارف ان الدموع دى عشانك انتى ياحبيبتى

حياة ياحبيبتى ياماما صدقنى يادكتور لو قلتلك انى لسه مش مصدقه انا نمت فحضن ماما النهارده

والله العظيم خاېفه اكون بحلم

مصطفى حياة ممكن نطلع برة فى الجنينه نتكلم مع بعض شويه

تخرج حياة لتجلس مع مصطفى فى حديقة الفيلا

مصطفى حياة ممكن تقوليلي بصراحه رايك فى جوازى من والدتك

انا عارف انتوا اد ايه متعلقين ببعض وخاېف ان يكون جوازى منها ضايقك انا بس كنت عاوز اوضحلك ان

حياة دكتور مصطفى حضرتك مش محتاج تبررلى جوازك من ماما

ماما اترملت وهى فى عز شبابها وزى مانت شايفها زى القمر حتى البت شهد كانت دايما تقوللى انتى مطلعتيش حلوة زى مامتك ليه

عارف يادكتور لما كنت امشي انا وياها فى الشارع كنت بشوف

عيون الناس عليها

ووالله يادكتور لو كانت ماما قررت تتجوز انا عمرى ماكنت حزعل ولا حضايق لانها كانت صغيرة ومن حقها تعيش بس هى ضحت عشانى كتير اوى ضحت بشبابها عشانى عشان تربينى