قصه أم

مقدرين قيمتنا ميعرفش اننا ثروة قوميه

مازن ههههههه انتوا شكلكم مشكله

نور ملك وفارس دول الثنائى المرح بتوعنا

يتحدث الجميع فى مواضيع مختلفه أثناء تناولهم الطعام

عايده شيرين يا حبيبتى مبتاكليش ليه

شيرين باكل والله يا ماما

عايده شيرين انتى لازم تاكلى كويس ياحبيبتى

فارس ايوة يا شيرين شوفى ملك بتاكل ازاى وكلى زيها

ملك ليه ان شاء الله هو انا باكل ازاى

فارس بتاكلى ازاى ده انتى ناقص تاكلينى ياحبيبتى

ده انا بقوم فى نص الليل افتش فى نفسي احسن تكونى اكلتى ايدي واللا رجلى وانا نايم

الجميع ههههههه هههههه

ملك ياسلام عالظرف طب ده انا حتى نفسي مسدوده عن الاكل

فارس اه صحيح بامارة نص الفرخه اللى كلتيها وطبقين الرز

ملك كده بردو يافارس بتبصلي فى الاكل

فارس لا ياروحى ده انا بهزر معاكى يالهوي ده انا

عاوزك تاكلى كويس عاوز الواد يطلع مقلبظ مبحبش العيال المعصعصه

يشعر مازن فى وسطهم بالالفه خاصة بجو المرح الذى يحدثه فارس وملك

بعد الانتهاء من الغداء

فارس انا حستئذنكم بقى ياجماعه عندى مشوار

ملك على فين العزم ان شاء الله

فارس عندى ميتينج ياقلبي

ملك ميتينج مع مين ان شاء الله

فارس مع عميل ياروحى حيتفق معايا على فوج سياحى جاى

ملك طب خدنى معاك

فارس اللى بياخد ربنا ياحبيبتي قصدى اخدك فين بس ياروحى بمنظرك ده انتى عاوزة العميل يطفش

ملك وماله منظرى ان شاء الله

لا انا قلبي مش مطمن اه مانا مش هبله انا شامه ريحة ستات فى الموضوع

فارس انتى مالك ريحة الشم بقت عندك قويه كده ليه وكل شويه تشمى ريحة حاجه ودايما مبتشميش غير الروايح المعفنة

ستات وجالك قلب تقوليها اخس عليكى يا ملوكتى كده بردو تشكى فى فروستك

ملك لا يافروستى مقدرش طبعا اشك فيك طبعا ياحبيبي بس المثل بيقول حرس من من صاحبك

فارس قومي ياروحى البسي وتعالي عشان تطمنى

ملك لا ياروحى روح انت انا تعبانه وعاوزه استريح

فارس ربنا يريحك قصدى يريح قلبك ياحبيبتى يارب

طب بقولك ايه تعالى معايا ساعدينى البس

ملك من عونيا ياقلبي

كان ينظر اليهم مازن وهو متعجب منهم بشده كيف لهم ان يتحدثوا بهذه الطريقه امام الجميع

اسر زمانك بتقول عليهم مجانين مش كده

مازن لا والله دول ماشاء عليهم دمهم زى العسل بس مستغربهم شويه

اسر لا متشغلش بالك بيهم احنا متعودين عليهم كده عارف لو اتكلموا بالعقل بنقول اكيد عيانين يااما زعلانين مع بعض

مازن ههههههه ربنا يسعدهم

اسر بقولك ايه يامازن ماتيجى نقعد مع بعض شويه فى الجنينه احنا عندنا جنينه حلوة اوى وبابا هو اللي مهتم بيها وبيراعيها

مازن الزرع ده احلى حاجه فى الدنيا

عايده وهى تتحدث لشيرين تعالى ياحبيبتى نقعد فى الليفينج وتفردى ضهرك شويه

اما فى حتة مسلسل تركى بتفرج عليه حلو اوى

نور يالهوي عليكى ياماما سيبك انتى ياشيرين بصي انا عاوزة افرجك على شوية حاجات شارياها عشان انتى ذوقك حلو اوى

شيرين طب ياللا هاتى الحاجه

تصعد نور لاحضار ماتريد ان تشارك فيه شيرين وتاخذ برايها

تسعد شيرين بهذا الامر كثيرا فلقد استطاع الجميل ان يشعر شيرين باهمية وجودها

فى الجنينه

اسر منور نا والله يامازن

مازن البيت منور بيكم والله يااستاذ اسر.

اسر لا بقولك ايه مفيش داعى للالقاب احنا عيلة واحده

مازن والله انا حاسس وانا بينكم انى بين اهلى

اسر هو انت اصلا من اسكندريه يامازن

مازن لاء انا من القاهرة

اسر وبتشتغل ايه بقى يامازن

مازن انا كنت بشتغل مهندس زراعى

اسر كنت امال دلوقتى بتشتغل ايه

مازن لاء انا دلوقتى مبشتغلش

اسر مبتشتغلش ازاى امال عايش ازاى انت وشيرين

مازن عندى مبلغ فى البنك وعايشين من ارباحه

اسر طب وليه كده

مازن ............

اسر انا اسف والله يامازن انا مقصدش انى اتطفل عليكم واحاول اعرف عنكم حاجه انا كنت بدردش معاك مش اكتر

مازن لا والله يا اسر ربنا يعلم انى من اول لحطه شفتك فيها

وانا حسيتك صاحب وصديق

وبعدين اللى انا متأكد منه هو انكم اكيد عاوزين تعرفوا مين هو الإنسان اللى عايش بينكم وده حقكم يااسر زى مامن حقكم تعرفوا انا وشيرين عرفنا بعض ازاى

اسر لا يامازن احنا مش من حقنا اننا نعرف حاجه عنكم دى خصوصياتكم اللى من حقكم انكم تحتفظوا بيها لنفسكم

الا اذا كنت عاوز تحكيلي من باب اننا أصدقاء زى مابتقول يبقى ده كلام تانى

مازن انا اسمى مازن عبد الوهاب سالم اتخرجت من كلية الزراعه اللى انا دخلتها

برغبتي لانى كنت بحبها جدا زحابب موضوع الز اعه

بعد ماخلصت الجامعه اخدت قطعة أرض اشتريتها من ناس

وبدات ازرعها تعبت اوى فى زراعتها اهلى كلهم كانوا معترضين لاننا الحمد لله كان عندنا اعمالنا الخاصه بينا بس انا صممت انى اشتغل في الحاجه اللى بحبها

مش قادر اقولك يااسر فرحتى كانت ازاى وانا شايف الزرع وهو بيكبر قدام عينيه كان بالنسبه لي ابنى اللى اتولد وكبر على ايدى

بعد كده قررت اتجوز واتجوزت بنت كنت بحبها من أيام الجامعه وهى وافقت انها تعيش معايا فى الارض وبعد فترة لقيت ناس عاوزة تاخد منى الارض بالعافيه وبالقوة

قلت دى ارضي اللى تعبت فيها وفى زراعتها ومش حسيبها

انا وقتها بلغت البوليس عشان يحمونى منهم بس للاسف معملوش حاجه

وجه اليوم اللى خلانى اقرر ابعد عن الدنيا كلها مراتى كانت حامل فى اول شهور الحمل وكانت تعبانه جدا ومحتاجه حد يرعاها جت امى ومعاها بابا واختى كمان عشان يزورونا ويقعدوا معانا كام يوم

بالليل لقيت زميلي اللى واخد أرض قريبه منى بيتصل علية وبيقوللى انه تعبان اوى لانه لوحده ومعهوش حد وطلب منى اروح معاه المستشفى وانا متاخرتش عليه ورحنا وكشفنا وعمل تحاليل واشعات

واحنا راجعين فى الطريق شفت ڼار طالعه للسماخفت

ولما وصلت لقيت البيت والارض والزرع وكل حاجه والعه اهلى كلهم ماتوا يامازن كلهم ومحدش انقذهم الڼار اكلتهم المطافى وصلت بعد ماكان كل حاجه راحت خلاص

جتلى حاله نفسيه مبقتش قادر اقف على رجلى تخيل لما تشوف اهلك كلهم يموتوا قدام عينيك وانت مش قادر تعمل حاجه

البوليس بدا يحقق والمفاجاة اللى صدمتنى لما اكتشفت ان زميلي اللى طلب مني اروح معاه المستشفى هو اللى اتفق مع الناس اللى حرقوا الارض وطبعا قبض منهم التمن

ليه ليه يااسر ليه بعمل فية كده انا عمرى ماعملت معاه حاجه وحشه

لو اقولك الايام والشهور اللى عشتها كنت عامل فيها ازاى مش ممكن تتخيل

فى ثوانى كل حاجه راحت بقيت انسان وحيدلا اب ولا ام ولا زوجه ولا اخت لوحدى

بدات حالتى النفسيه تسوء ولولا انى الحمد لله طول عمرى بخاف من ربنا كنت اڼتحرت وحصلتهم لانى طول الوقت كان عندى شعور بالذنب تجاههم

بس استعنت بالصبر والصلاة والاستغفار

وعدت الايام والشهور فات اكتر من سنه سبت الارض وبعت كل حاجه ممكن تربطنى باى مكان يفكرنى باللى حصل

قررت اجى هنا اسكندريه واعيش فى مكان لوحدى بعيد عن كل الناس

اشتريت الشاليه وقعدت فيه بقيت طول النهار والليل قاعد ادام البحر بشكيله همى ووحدتى

لحد مافى يوم اتصل علية واحد من صحابي القدام واتحايل علية اخرج معاه نسهر سوا

رحت وقلت اغير جو اخدنى نايت كلب طبعا معجبنيش الجو انا مش بتاع الحاجات دى رقص وخمور ونساء عاريات

اتضايقت جدا وقررت اسيبه وامشي

مازن ايه ياعمر المكان اللى انت جايبنى فيه ده

عمر فى ايه ياعم مالك ماتظبط كده ده هنا الانس والفرفشه هنا تنسى همومك وقرف الدنيا كله

مازن استغفرالله العظيم واتوب اليه

الابذكر الله تطمئن القلوب احنا بنسى همومنا باللجوء الى الله مش بأننا نعصيه ياعمر

عمر ياحبيب فكك بقى بص شوف الناس اللى حواليك بص ولا شايلين هم للدنيا عايشين حياتهم انسى الهم يوم واحد وخليك معايا وانت حتنبسط اخر انبساط وحتدعيلى

مازن انا فعلا حدعيلك ياعمر ان ربنا يهديك عن اذنك

عمر يامازن يابنى استنى فقري مش وش نعمه

وفجاة ومازن على باب الخروج يسمع صوت مشاجرة بين امراة ورجل

اوعى سيب ايدي انت اټجننت

لا مش حسيبك انتى الليلادى بتاعتى انا

سيبنى ياحيوان

ولما انا حيوان وافقتى تيجى معايا ليه

الحقونى حد يلحقنى

يقرر مازن ان يتدخل بينهم

الرجل وانت مين انت كمان يااخ ياللا أمشى من هنا

يقوم مازن بضربه وكأن بينهما ثار

حدثت مشاجرة عڼيفه وحاول كل من فى المكان فض الاشتباك

حتى استطاعوا فضه ثم انطلق مازن للخروج

خرج مازن سريعا ولكن استوقفت قدماه صوت امراة

استنى استنى لو سمحت

مازن نعم

انا مش عارفه اشكرك ازاى

مازن تشكرينى لامك متجيش مكان زى ده تانى

ثانيه واحده لو سمحت

وتقزم باخراج منديل من شنطتها لتمسح الډماء من على وجهه

فياخذ منها مازن المنديل ويمسح هو وجهه

مازن شكرا

تنظر فتجد هذا الشخص خارج والشړ على وجهه

ممكن من فضلك توصلنى فى طريقك انا خاېفه

مازن اتفضلي اما اشوف اخرتها ايه معاكى

ممكن اتعرف بيك

مازن مازن

وانا شيرين

مازن اهلا ياشيرين بس واضح من لبسك وشكلك انك متعوده تروحى الاماكن دى

شيرين اصلي زهقانه ومفيش حاجه تشغلنى فباجى هنااغير جو

معلش اسفه غلست عليك اصلي كنت جايه مع الزفت ده فى عربيته ومعييش العربيه

مازن ولما انتى جاية معاه اتخانقتى معاه ليه

شيرين عشان طلع ساڤل وعاوزنى اروح معاه شقته بالعافيه

مازن ههههههه

شيرين بتضحك على ايه

مازن يعنى انتى بتقولى جايه معاه فى مكان زى ده فطبيعى جدا انه يطلب منك طلب زى ده امال انتى عاوزاه يقولك ياللا نروح الحسين

شيرين معاك حق

مازن بيتك فين عشان اروحك

شيرين انا مش عاوزه اروح

مازن بقولك ايه انتى شكلك واحده فايقه ورايقه وانا فية اللى مكفينى

شيرين شكلك اتضايقت عشان بوظت عليك السهرة اسفين ياجميل

مازن انا اصلا اول مرة ادخل مكان زى ده واذا كنت مضايق فانا مضايق عشان رحت مكان زى ده

شيرين طب ايه كنت جاى مع المزة بتاعتك وقلبتك واللا ايه

مازن مزة لا ياستى انا كنت جاى مع واحد صاحبي ووانا ماشي سمعتك وانتى بتستنجدى بحد ومشفتش حد عبرك فقلت استجدع معاكى

شيرين حيعبرونى ازاى وهما سكرانين ورايحين فى داهيه

مازن مش عارف اقولك ايه بصراحه لما انتى عارفه انهم بالمنظر ده تروحى مكان زى ده ليه

شيرين الوحده وحشه اوى طول اليوم لوحدى بدور على اى حاجه اشغل بيها فراغى

مازن فى حاجات كتير كويسه ممكن تشغلى نفسك بيها غير المعاصي والذنوب دى

شيرين زى ايه يعنى

مازن تشتغلي وتقربي من. ربنا

شيرين لا انا مبحبش الشغل وبعدين اقرب من ربنا ازاى

مازن تقربي من ربنا ازاى

بقولك ايه انتى تقوليلي ساكنه فين عشان اوصلك واخلص

شيرين لاء انا مش عاوزة اسيبك

مازن نعم

شيرين لما ترد علية

مازن بقولك ايه انتى عبيطه واللا هبله

شيرين انت مين انت عشان تتكلم معايا بالطريقه دى انت فاكر نفسك ايه

اتفضل نزلنى انا حنزل هنا

مازن يقف بالعربيه اتفضلي انزلى

تنزل شيرين من السيارة وهى تتلفت يمينا ويسار خوفتظا من ان يكون هذا الشخص متبعها

لم يمشي مازن بل ظل يمشي وراءها بالسيارة لا يعلم لماذا ولكنه عندما راها شعر بانها فى حاجه اليه

فجاة ظهرت سيارة وجرت شيرين سريعا

هنا اقترب مازن منها سريعا اركبي اركبي بسرعه ياقدرى

شيرين يخرببيته شكله كان ماشي ورانا

مازن بقولك ايه الظاهر ليلتك سوده الليله دى ايه رايك نروح نفعد شويه على البحر

شيرين اوكيه

فجاة يخلع مازن الجاكت خدى البسي ده ودارى كتافك العريانه دى

شيرين ماشي ايه ده

مازن فى حاجه

شيرين لاء بس قصدي ريحة برفانك حلوة اوى تعرف انها نفس النوع اللى كان بيحطه جوزى قصدى طليقى

مازن انتى مطلقه

شيرين ايوة

مازن شكلك كده بردو وياترى بقى كان من نفس نوعية اللى شفته معاكى جوة ده

شيرين لا من فضلك متجيبش سيرته اسر ده احسن راجل فى الدنيا واكتر واحد محترم

ممكن تقابله فى حياتك

مازن ولما هو كده اطلقتى منه ليه

شيرين لاء

انا مطلقتش هو اللي طلقنى عشان انا

مش وش نعمه

مازن سبحان الله اول مره اشوف واحده بتعترف انها السبب فى الطلاق دايما بتقول انها مظلومه وان جوزها هو اللى كان فيه كل العبر

شيرين لا ياسيدي الحقيقه انى انا اللى فية كل العبر لكن اسر ده ارجل راجل فى الدنيا كلها

مازن طب ماتروحيله تبوسي الجدم و تبكى الندم على غلطتك يمكن ترجع المياه لمجاريها

شيرين لا كفايه لحد كده بارك الله فيما رزق

يظل مازن وشيرين يتحدثان طوال الليل فى امور كثيرة حتى اذن المؤذن لصلاة الفجر

مازن ياااه الفجر اذن ياللا عشان عاوز اصلي الغجر

شيرين انت بتصلي

مازن الحمد لله عمرى ماسبت فرض وانتى

شيرين بصراحه مبصليش

مازن ليه مبتصليش انتى مش عارفه ان الصلاه عماد الدين

شيرين عارفه طبعا بس كسل ومحدش كان بيقوللى صلي

مازن مش بتقولى جوزك كان كوبس اكيد كان بيصلي

شيرين ايوة طبعا اسر بيصلي بس هو ماكنش بيضغط علية يعنى هو قاللى مرتين تلاته وبعد كده رمى طوبتى

مازن طب ايه رايك تقومى معايا وتدخل مسجد السيدات وتصلي

شيرين انت بتهزر اصلي ازاى باللى انا لابساه ده

مازن أكيد حتلاقى اسدال صلاة تصلي بيه

ياللا بقى ادخلى صللي واللى يخرج الاول يستنى التاني

شيرين ماشي

تدخل شيرين وتتوضا وتصلى خلف الامام مع بعض النسوة المتواجدات فى المسجد

قرا الامام بعض الايات القرانيه من سورة الحديد والتي مست قلبها حتى بلغ الامام الايه الكريمهالم يئن للذين امنوا ان تخشع قلوبهم لذكر الله

الى هنا لم تشعر شيرين بنفسها الا والدموع تجرى على وجهها

انتهت من الصلاه شعرت شعورا غريبا لم تشعر به من قبل

خرجت فوجدت مازن هو الاخر يخرج من المسجد

مازن مالك

شيرين مش عارفه بس حسه انى مبسوطه مرتاحه مش عارفه عارف كده لما تحس من جواك انك فرحان

مازن عشان صليتى ياشيرين احلى حاجه واحلى لذه فى الدنيا لذة القرب من ربنا

شيرين انت بتقول ايه انا طول عمرى اللى بيسعدنى ويفرحنى هى سعادتى

مازن قصدك السعاده الزائفه

شيرين انت بتقول ايه

يظل مازن يتحدث الى شيرين فى عدة امور دينيه حتى يستشعر بانها انسانه ليست بسيئه بل هى فقط تحتاج من يمد اليها يد المساعده ويخرجها من الظلمات الى النور يمر الوقت وهم مازالوا يتحدثون حتى تدق الساعه العاشره صباحا

شيرين مازن ممكن تسمحلى اكلمك

مازن طبعا ياشيرين تقدرى تكلمينى فى اى وقت

تبدا المحادثات بين شيرين ومازن والتى مع الوقت تتحول لمقابلات حكى كل منهم للاخر عن كل شئ فى حياته

لم ېكذب احدهم او يدعى الفضيله

وهذا اكثر مااعجب مازن فى شيرين

فلقد بدا مازن وشيرين تتحرك مشاعرهم تجاه بعضهم

شعر مازن بأن وجود شيرين ملاء عليه حياته وعوضه عن غياب كل احبابه واهله الذين افتقدهم منذ سنوات

اما شيرين