قصه أم

على الشبابيك اللى كان قافلها علية كان نفسي حد يسمعني بس للأسف محدش كان بيقوللى انتى فين

نور ازاى المچرم ده يعمل فيكى كده ده لازم يتحاكم على كل الاذى اللى سببهولك ده هو كان بينتقم منك من حاجه كنتى قاتلاله قتيل عشان يعمل معاكى كده

مريم معرفش والله ما اعرف كان بيعمل معايا كده ليه ده كنت بحبه والله وهو هو كان مفهمنى انه بيحبني

ليه اتحول كده معرفش اذيته فى ايه عملتله ايه ايه والله مااعرف

لم يشعر مؤمن بنفسه الا وهو يحتضنها حقك علية يامريم انا آسف ياحبيبتىى حقك علية انى ظلمتك بس والله ماحسيبه وحجيللك حقك منه حجيبه تحت رجلك زى الكلب والله لخليه عبرة لاى حد يفكر يبهدل بنات الناس

مريم لا يامؤمن انا مش عاوزة منه حاجه ولا عاوزة اشوف وشه تانى كفايه علية اوى لحد كده

والحمد لله انى قدرت اطلق منه واعرف ارجعلكم انا مش مصدقة اصلا انى قدرت أخلص منه مش مصدقة انى دلوقتى معاكم انا كنت خاېفه اوى اموت من غير مااشوفكم وخلاص انامش عاوزة حاجه خلاص غير انى اعيش فى وسطكم انا كنت عايشه فى كابوس وماصدقت صحيت منه

مؤمن حتعيشى فى وسطنا ياحبيبتى وحعوضك عن كل اللى حصلك بس اقسم بالله العظيم انى ماحسكت ولا حيغمضلي جفن غير لما انتقم منه الحيوان ابن ال......... ده

والله لحندمه على كل اللى عمله معاكى وحدفعه

تمن كل دمعه نزلت من عينيكى وكل ضربه ضربها لك

ونارى مش حتبرد غير لما اقطع لحمه بسنانى ماشي ياايمن الكلب انا حوريك انا حعمل فيك إيه

كانت وفاء مصدومه مما تسمعه من ابنتها كانت تبكى لحال ابنتها اخذتها فى حضنها بنتى حبيبتى نور عينى معقوله يحصللك ده كله واحنا مش عارفين منه لله حسبي الله ونعم الوكيل فيه ربنا ينتقم منه احنا عملناله ايه عشان يعمل معاكى كده

مريم ااااه ياامى حضنك كان واحشنى اوى

انا كان كل املى فى الدنيا انى اقدر ارجعلكم واشوفكم تانى

ثم تسلم عليها نور وتأخذها فى حضنها نور تينايامريم وان شاء الله الجاى يكون احسن من اللى راح انسي ياحبيبتى وافتحى قلبك للدنيا وان شاء الله ربنا يعوضك خير باللى يقدرك ويشيلك فى عينيه

مريم لا الحمد لله على كده انا خلاص اخدت نصيبي ثم تمسح دموعها و تنظر لهؤلاء الصغار حبايبي ممكن اتعرف عليكم

نور بصي ياستى ده ياسين و وده زين ودى إيلين

مريم الله أسماءهم حلوة أوى

اعرفكم بية انا عمتو مريم ثم تقول ايه ده هما توائم

مؤمن ايوة ياحبيبتى توائم

مريم ياولاد اللعيبه بسم الله ماشاء الله تلاته مرة واحده عملتوها ازاى دي

مؤمن يالهوى انا شايف فارس التانى قدامى ههههههه

فيضحكون جميعآ ويحتصنها

مؤمن حبيبة قلب اخوكى وحشتينى ياست البنات

فى غرفة اسر وحياة

تدخل حياة الغرفه فتجد اسر نائما بجوار سليم وممسكا باصابعه الصغيرة ويتحدث إليه

حياة نايم ياحبيبي

اسر لاء صاحى انتى كل ده كنتي عند البنات

حياة ايوة كنت بتكلم معاهم شويه وفضلت جمبهم لحد مااطمنت انهم ناموا وراحوا فى سابع نومه وطبعا بعد ماقروا الفاتحه لمامتهم الله يرحمها

اسر حبيبتى ربنا يخليكى لينا يارب انتى اجمل هديه ربنا بعتهالى انا مش عارف انا عملت ايه فى دنيتى حلو عشان ربنا يبعتك لية

حياة حبيبي الكلام ده كتير علية اوى

اسر حبيبتى انتى مفيش حاجه تكتر عليكى ولا توفيلك حقك حياة انتى مش بس اسرتى قلبي وخليتيه ملك ايديكى انتى كمان اسرتى قلب كل اللى حوالينا بقلبك الابيض وحنيتك اللى مش موجوده فى الزمن ده

حياة حبيبي ربنا يخليك لينا يا رب مبسوط معايا يااسر

اسر ياااه مبسوط ده ايه قولى طاير من الفرحه قولى حاسس انى عايش اجمل قصة حب فى الدنيا كلها حياة انتى مش حسه أنى بحبك اوى

حياة طبعا ياحبيبي حسه ومتاكده من حبك لية بس انا بحب اسمعها منك بيبقى ليها طعم تانى

اسر حياة ممكن تقوليلي بصراحه انتى اتضايقتى لما شفتينى فى فى اوضة جنى

حياة ربنا يرحمها يارب بص يااسر انا بس عاوزة اوضحلك حاجه عشان متفهنيش غلط أولا كده انا ست زى اى ست فى الدنيا بتحب وبتغير على حبيبها مش عاوزة حد فى الدنيا دى كلها يشاركها فى الحب ده ولا تحس ان قلبه مع واحده تانيه

وممكن

تهد الدنيا كلها لو دخل قلبها الشك ان حبيبها فكر مجرد تفكير فى واحده تانيه

ايوة ده حقيقي وانا مبنكرش ده مبنكرش انى بحبك وبموت فيك وبعشقك وبغير عليك ولو فى يوم حسيت او بس شكيت ان فى واحده تانيه غيري فى حياتك انا ممكن اموت فيها مش حقدر استحمل ده ابدا انا ممكن اټجنن وعقلي يروح منى

بس الوضع معانا مختلف ايوة مختلف انا فاهماك ياحبيبي انا مش غبيه انت حبك لجنى واخلاصك لذكراها وفاء منك عدم نكران لحبها وان واحده تانيه مهما بلغت درجة حبك ليها نسيتك اول حب فى حياتك

لأن انا شخصيا مبحبش كده انا مهما اديتك من حب وحنان متاكده ان اللى اديتهولك جنى مكنش اقل منه

يبقى ليه تنساها ليه مثلا تقول انك لقيت الحب الحقيقي معايا وهى خلاص بقت ذكرى وانتهت لاء يااسر انت لو عملت كده معاها يبقى حتعمل كده معايا لو حصللى حاجه فى يوم من الأيام

انا فاكرة انك قلتلي قبل كده ان شيرين كانت بتضايق لما كنت بتروح تزور جنى فى قپرها او لما تدخل اوضتها وتنام فيها كل ماتبقوا زعلانين مع بعض بس عارف هى كانت بتعمل كده ليه مش غيرة منها لان اللى بيغير ده اللى بيحب واحنا كلنا عارفين ان شيرين عمرها ماحبتك وانها اتجوزتك كده يعنى زى مابيقولوا جوازه والسلام اللى كان بيضايق شيرين انها كانت عارفه انك مبتحبهاش وانك بتروح للوحيده اللى قلبك معاها ومبتلاقيش الراحه غير جمبها

كانت مضايقه ان كل اللى هنا كانوا طول الوقت بينتقدوها وبيحطوها دايما فى مقارنه بينها وبين اختها وده السبب اللى كان بيخليها تضايق لما تحس بانها جواك

الموضوع كان بالنسبه لها كرامه مش أكتر

لكن الموضوع معايا مختلف نهائى لانى عارفه ومتاكده مليون فى الميه انك بتحبنى وپتموت فية وحبك لية مش اقل من حبي ليك

وبعدين انا عمرى ماحنسى يوم مااتكلمنا مع بعض وطلعت كل اللى جواك يوم خطوبة نور لما حكتلى عن كل حاجه وعرضت علية حبك بشرط مع وجود جنى جواك وانا وافقت بكامل ارادتى وانا مش قليلة الأصل ولا عمرى رجعت فى كلامى واتفاقى مع حد

وانت أصيل يااسر وبعدين جنى الله يرحمها مش موجوده كل اللى فاضل منها ذكرى متجسده فى صورة أجمل بنتين فى الدنيا ربنا يقدرنى واكبرهم واحققلك املك فيهم

يبقى حتى الذكرى حستخسرها فيك انا عارفه انك مدخلتش اوضتها من يوم مااتجوزنا ودى كانت اول مرة تدخلها عشان تفرحها ان ربنا رزقك بالولد اللى كان نفسك فيه وتطمنها على البنات انت اللى زيك بيضرب بيه المثل فى الوفاء والإخلاص انت متعرفش انا بحبك اد إيه انت روحى يااسر ياابوابنى

اسر حبيبتى ربنا يخليكى لية وميحرمنيش منك يارب

انتى ازاى كده ازاى بتقدرى تسيطرى على مشاعرك وعلى غيرتك علية وحبك لية بالشكل ده انا بجد مش عارف اقولك إيه

حياة قول انك بتحبنى

اسر انا مش بحبك ده انا بعشق أمك الله يخرببيتك يافارس

بت انتى اخدتينى فى الكلام ونسيت أسألك

حياة بخضه خير ياحبيبي فى حاجه

اسر انتى كنت برة بشعرك ده من غير طرحه عليه

حياة حبيبي مفيش حد والله فارس اخد ملك والولاد وطلعوا وانا خرجت من أوضة البنات جيت على هنا على طول

اسر ايوة أنا عاوز حجابك يبقى على حق مش حلمنتيشي

حياة انت بتقول ايه ياحبيبي هههههههه الواد فارس هو اللى بيقول كده لملك على طول

اسر فارس ده حبيب قلبي ابنى ربنا يهديك يااخويا يارب

حياة وبعدين يعنى حتى لو حد شافه من جماله يعنى ده شبه ايد المكنسه مش كنت وافقت اعمله فرد واللا اى حاجه بدل ماهو منكوش كده على طول

اسر طب وانتى ليه معملتيهوش كده من زمان

حياة عشان ده هدية ربنا لية كده بالشكل ده وانا بحب هدايا ربنا اوى ومبحبش اغيرها وطول عمرى راضيه بشعرى ولون بشرتى ولون عينيه عمرى مافكرت اغير لون شعرى او البس عدسات فى عينيه بحس انى كده مش راضيه عن هدايا ربنا لية وانى حزعله منى لو غيرتها لكن لو انت عاوز اعملك ياحبيبي انت جوزى ومن حقك تشوفنى جميله

اسر

حبيبتى انتى أجمل ست فى عنيه وحتفضلي اجمل بنوته فى عنيه العمر كله وبعدين اصلا طبيعتك دى هى اللى شدتنى ليكى وخليتنى احبك هى اللى خلت اسر يبقى اسير لحب حياة انتى حبيبتى بحبك وانتى منكوشه عاجبنى ياستى

حياة حبيبي ربنا ميحرمنيش من حنيتك علية يارب

اسر بقولك ايه انتى وحشانى اوى ماتيجى اقولك كلمه سر

حياة هههههه هههههه

فجاة يعلن سليم عن وجوده واء واء

اسر اه يافقري انت ياواد حتقطع على ابوك واللا ايه

حياة هههههه هههههه فرحان بيه يااسر

اسر فرحان بس انا حاسس انى عاوز اجرى واوريه لكل الناس

واقولهم ده سليم ابنى

حياة للدرجه دي كان نفسك فى ولد ياحبيبي

اسر ابقى بكدب عليكى لو قلتلك لاء

ايوة ياحبيبتى كان نفسي اوى فى ولد بس كنت بردو مش حزعل والله العظيم لو جت بنت لانى الحمد لله راضي بكل عطايا ربنا واديكى شايفه البنات عندى ايه

بس ڠصب عنى غريزه جوة كل راجل ان يبقى عنده ولد يشيل اسمه ويبقى سند لاخواته

حياة ربنا يخليهولك ياحبيبي وبجعله من الصالحين يارب

اسر يارب ياحبيبتي يارب

فى فيلا مصطفى

عفاف ماتقعدوا معانا يومين انتوا منور ينا والله

خديجه البيت منور بيكم ياحبيبتى

يسر بس إيه البنوته القمر دى ياهنا احنا شكلناكده حنحجزها لمصطفى

هنا حبيبتى ده يشرفنا والله

عفاف بس محمود

مجاش معاكم ليه

هنا معلش والله ياطنط عنده شغل كتير ومقدرش ياخد إجازة

عفاف ربنا يقويه يارب

خديجه مش كنا رحنا بيتنا عند شهد بدل مانعملك م إزعاج

عفاف ده انتوا منور ينا وبعدين انتوا بتشوفوا شهد على طول لكن احنا كل فين وفين لما بنتقابل

والد شهد أم حياة فى موضوع كنت عاوز استئذنك فيه لو ينفع ماشي لو مينفعش يبقى تعتبرينى ماقلتش حاجه

عفاف خير ياابو محمود اتكلم فى إيه

والد شهد طبعا انتى عارفه اننا الحمد لله فتحنا الشقه اللى منهم لله كان واخدينها وقاعدين فيها بالقوه وجيبنالك العقد اللى بيثبت ملك يتكم ليها

عفاف ايوة العقد معايا بس خير انا مش فاهمه حاجه

والد شهد فى عمل خير لو شاركتى فيه حتاخدى ثواب كبير اوى من ربنا ولو مش عاوزة الله يخليكى تنسي اى كلمه قلتهالك

عفاف ربنا يقدرنى يارب على فعل الخير قول يا ابو محمود انا سمعاك

والد شهد الفترة الاخيرة دي بقينا بنلاقى ولاد كتير ياعينى مرميين فى الزباله واللى بيتوه من اهله ومبنعرفش نوصلهم واللى بنلاقيه مع واحده خاطفاه وطبعا بنضطر نسلمهم للشرطه اللى بتسلمهم للملاجئ والملاجئ اللى عندنا على اد حالها اوى والولاد حالتهم بتقطع القلب

واحنا اتفقنا فى الشارع عندنا نفتح مع بعض ملجا نلم فيه كل الاطفال دى ونصرف عليهم وحنعمل تصريح من الشئون الاجتماعيه بس المشكله فى المكان لازم يكون متهوي كويس والشمس فيه طول النهار عشان صحة الاطفال دول فلو كان ينفع نأجر منك الشقه باجر رمزى ونلم فيها الاطفال دول حتاخدى الاجر والثواب معانا ايه رأيك

عفاف ياخبر ياابو محمود هى دى حاجه تاخد فيها رأيي موافقه طبعا ومن غير ايجار أصلا والاجر والثواب يكون لأحمد ابو حياة الله يرحمه هو صاحب الشقه تعتبر صدقه جاريه على روحه واللا انت ايه رايك يامصطفى

مصطفى طبعا ياعفاف هى دى محتاجه كلام وانا كمان عاوز أشارك معاكم بمبلغ للاطفال دول ده احنا محتاجين كل حسنه ممكن تدخلنا الجنه

ومفيش احسن من كفالة اليتيم ده النبي عليه الصلاة والسلام قال انا وكافل اليتيم كهاتين فى الجنه

الجميع عليه افضل الصلاة والسلام

بعد مرور عدة اشهر قليله

فى احد القاعات الكبرى بالإسكندرية يتم الاحتفال بزواج هدير وامجد هذاالزواج الذى جاء بعد عناء شديد

فى الأعلى يتم وضع مساحيق التجميل لهدير و نجد حياة تصطحبها فهى صديقتها المقربه بينما كان الجميع فى الأسفل فلقد اصر أمجد على حضور كل اصدقاء العمل واهل اسر وكل من يعرفه من قريب او بعيد كما اصر على هدير وأشرف ان يدعون كل احبابهم وجيرانهم واهلهم لمشاركتهم فى هذه الفرحه

يدخل مؤمن ومريم التى الحوا عليها كثيرا حتى وافقت على الذهاب معهم للحفل وتركوا الصغار مع وفاء والخادمه فى المنزل حتى لا يتأذون من الأصوات العاليه

يسلم مؤمن على أشرف اخو هدير فهو يعلمه جيدا ويبارك له

وتسلم عليه نور وتبارك له ثم يقدم مؤمن أخته لأشرف ويعرفه علبها

مؤمن اختى مريم

يمد يده للسلام عليها اهلا وسهلا نور تينا

مريم شكرا

يأخذهم مؤمن ليسلموا على بقية أفراد العائله والأصدقاء

ببنما كانت عين أشرف مسلطه على مريم فلقد لفت نظره جمالها الهادئ وحجابها الانيق الذى يظهر نقاء بشرتها وصفاءها والذى ارتدته بعد عودتها مباشرة إلى أرض الوطن حمدا لله وشكرا له على نعمه عليها

فارس اهلا اهلا اهلا اهلا باعز الحبايب اهلا اهلا

هرقليز وصل يا جماعه عاوز اجدع سلام وتحيه

مؤمن الله يخرببيتك ياشيخ والله احنا مافى حاجه حتجيبنا الأرض غير عينك دى

فارس عين مين يااستاذنا انت خاېف من الحسد واللا ايه عيب عليك ياجوز اختى ده انا بتشرف بيك ده انت مثال مشرف للمصرى القديم اللى بنى الأهرامات

يااه يامؤمن انت لو كنت أيام الفراعنه كانت الملك ه حتشبسوت طلبتك للجواز

نور يابنى ارحمنا بقى امال لو مكنتش خلفت انت كمان كنت عملت فينا إيه

فارس اقسم بالله كنت وعلت فيكم لكن ولاد اختى لاء دول حبايب قلبى من جوة بس والنبي لما تجيبوا عيال المرة الجايه وانتوا بتسخنوا كده وضمايركم صافيه ادعوا للعبد الغلبان ده

نور يابنى انت مش ربنا رزقك باتنين عاوز ايه تانى

فارس لا والله ماحيهدالى بال غير لما احصلكم اه كرامتى كبريائي قلبي

مريم هههههه هههههه يمد فارس يديه للسلام عليها بسم الله ماشاء الله تبارك الله فيما خلق

يعنى